“Гэгээн муза академи”-аас санаачлан 11 дэх жилдээ зохион байгуулж буй монголын театр урлагийн шилдгүүдийг шалгаруулах “Гэгээн Муза-ХI” олон улсын театрын наадам ирэх сард зохион байгуулагдахаар товоо зарласан билээ. Тус наадамд “Гоолингоо” дуулалт жүжиг “Шилдэг жүжгийн зохиол”, “Шилдэг хөгжмийн зохиол”, “Шилдэг эрэгтэй гол дүр”, “Шилдэг эмэгтэй гол дүр”,  “Шилдэг эрэгтэй туслах дүр” зэрэг 5-н номинацид нэр дэвшин өрсөлдөх эрхээ авчээ.

  Нийслэлийн “Улаанбаатар” чуулгын тайзнаа 2012 оны 10-р сард анхлан амилж хэдэнтээ тоглогдсон тус жүжгийн зөвлөх найруулагчаар МУУГЗ Б.Баатар, МУУГЗ Ч.Ганхуяг нар ажилласан бол зохиолч, найруулагчаар МУСТА С.Баярсайхан, хөгжмийн зохиолчоор МУУГЗ Ш.Аюуш нар ажилласан юм. Түүнчлэн продюссерээр МУСТА Б.Нямсүрэн, менежерээр Э.Цэнд-Аюуш, удирдаачаар МУСТА Р.Ганбат, Концертмейстерээр МУСТА О.Лхагвасүрэн, зураачаар П.Цэрэндулам, жижиг чимэглэлийн эрхлэгчээр МУСТА Н.Батбилэг, гүйцэтгэх зураачаар Ч.Түмэнхүү нар ажиллажээ.

Та бүхнийг урлагийн тэнгэр ивээг...