Нарантуулын хойно буюу бидний хэлж заншсанаар мангасын амын ойролцоо байрлах GS 25-ын үүдэнд иргэн С ил харагдах гэмтэл, шархгүй нас барсан харамсалтай тохиолдлыг цагдаагийн байгууллагаас шалгаж байгаа гэлээ. 

Урьдчилсан байдлаар ямар нэгэн гадна нөлөөгүй, учирсан гэмтэл, шархгүй аж. Ер нь хоногт дундажаар ийм байдлаар 10 гаруй харамсалтай тохиолдол бүртгэгддэг гэдгийг цагдаагийн байгууллагаас сэрэмжлүүлэв. Мөрдөн шалгах ажиллагаагаар нас барсан шалтгаан нь ихэвчлэн архины хордлого, унтаад сэрэхгүй үүрд зүрхээр явчихдаг, урт хугацаанд архи, согтууруулах ундааны зүйл, зохисгүй амьдралын хэв маягтай байсантай холбоотой зүрх, судас гэх мэт олон эрхтэн доройтолд орсон буюу хэврэгшсэн байдаг гэсэн юм.

Үүнээс үүдэн өнгөрсөн жил "Намайг алгас", одоо "Та-татгалз" гэх мэт нөлөөллийн аяныг цагдаагийн байгууллагаас хэрэгжүүлжээ. Гэвч тэднийг нийгмийн зүгээс ажлыг нь ойлгон хүндэтгэхгүй шүүмжлэлд их өртдөг байна. 

Монголчуудын эр, эмгүй архинд донтсон үүнээс болж гэр бүл салдаг, хүүхэд өнчирдөг, гэрт нь хэрүүл шуугиан тасардаггүй, дорой хэсэг нь гудамжинд гардаг.