Соёолжийн нүхэн гарц орчмоос Нарантуулын уулзвар хүртэл зам хаана
2024/05/06
Баянзүрх дүүргийн 25 дугаар хорооны нутаг дэвсгэр дэх Соёолжийн нүхэн гарц орчмоос Нарантуул олон улсын худалдааны төвийн уулзвар хүртэлх авто замыг өнөөдөр буюу тавдугаар сарын 6-ны 22.00 цагаас 9-ний 06.00 цагийн хооронд хааж хэсэгчилсэн засвар, шинэчлэлт хийнэ.
Энэ ажлын хүрээнд тэгш байдал алдагдсан, суулт үүссэн авто замын хашлагыг асфальтбетон хучилтын түвшинд тааруулан засварлах, инженерийн шугам сүлжээний худгийн тагийг асфальтбетон хучилтын түвшинд тааруулах, авто замын зорчих хэсгийг хүчитгэх асфальтбетон хучилтын ажил хийх юм.
Мөн хэвтээ тэмдэг тэмдэглэгээ болон босоо тэмдэг суурилуулах, явган хүний замын гарц хийнэ гэж Нийслэлийн замын хөгжлийн газраас мэдээлэв.
энхчимэг · 2024/05/06
Энэ Япончуудын хийсэн замыг гэхээсээ илүүтэй Энхтайвны өргөн чөлөөний замаа сэргээмээр байна аа. 10 гаруй жилийн өмнө шинэчилсэн. Гэтэл маш их эвдрэл гэмтэл байна. Чанартай сайн хиймээр байх юм. Нэгхэн шөнийн дотор зам шинэчлэлийг хийлээ гээд сайрхаад байна. Чанар нь шаардлага хангаж байгаа юу гэдгийг цаг хугацаа л харуулна даа.