461 дүгээр хорих ангид хоригдож байгаад наймдугаар сарын 22-нд улсын Гуравдугаар эмнэлэгт хүргэгдэн нас барсан талийгаач О-гийн шүүхийн шинжилгээний хариу гарчээ. 

Үүнтэй холбоотойгоор Хууль зүй, дотоод хэргийн сайд О.Алтангэрэл "Амь хохирогчийн задлан шинжилгээний дүгнэлт гарсан байна. Гэхдээ зөвхөн ар гэрийнхэн болон хэргийн холбогдогч нарт танилцуулдаг учраас дүгнэлтийн талаар мэдээлэлгүй байгаа. 

Ар гэрийнхэнтэй нь холбоо барих, хэргийг цаашид хуульд нийцүүлэн үнэн, зөв шийдвэрлэх талд Хууль зүй, дотоод хэргийн яамны зүгээс тасралтгүй анхаарал тавьж ажиллаж байна" гэлээ. 

Үргэлжлүүлэн сэтгүүлчийн асуултад дараах хариултыг өглөө. 

Сэтгүүлч: Хэрэгт сэжиглэн хорьсон хүн бий юу? 

Сайд О.Алтангэрэл: Байхгүй.

Эрүүдэн шүүсэн байж болзошгүй асуудлуудыг Авлигатай Тэмцэх Газар (АТГ)-аас шалгаж байгаа. Хууль зүй, дотоод хэргийн яамны хувьд өөрсдийн чиг үүргийн хүрээнд асуудалд хандаж байна.