Өчигдөр Нийслэлийн Засаг Дарга бөгөөд Улаанбаатар хотын захирагч Х.Нямбаатар өөрийнхөө хоёр орлогчийг томилов. Үүнээс хамгийн чухал буюу Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогчоор Түмэндалайн Даваадалайг томилсон нь ихээхэн анхаарал татна.

Түмэндалайн Даваадалай нь МАН-д огт байгаагүй нэгэн бөгөөд түүнийг НИТХ-д нэр дэвших үеэс л "Бодь"-ийн Д.Баясгалангийн "БЭТ" НИТХ-д орж ирэх нь гэж улс төрийн хүрээнд ярьж байв.

Тэгвэл "БЭТ" маань НИТХ-д сонгогдмогцоо шууд Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч боллоо.

 Түмэндалайн Даваадалай нь НИТХ-д сонгогдохоосоо өмнө 

2021 оноос “Бодь Интернэшнл” ХХК-ийн “Тавантолгойн нүүрс ачих логистикийн төв” төсөл хариуцсан захирал,

2022 оноос “Бодь” группийн R&D төвийн даргаар ажиллаж байсан бөгөөд Д.Баясгалангийн хамгийн итгэлт хүмүүсийн нэг гэнэ.

С.Сарнай

сонин.мн