УИХ-ын 2024 оны сонгуулийн үр дүнд байгуулагдсан парламентын анхны хаврын чуулган өчигдөр нээлтээ хийсэн билээ. 

УИХ-ын Ёс зүй, дэгийн байнгын хорооны дарга Б.Баярбаатарын хэлж буйгаар 2024 оны 10-р сарын 01-нээс эхэлж, 2025 оны 1 дүгээр сарын 24 хүртэл үргэлжилсэн намрын чуулганы хуралдааныг таслалтаараа тэргүүлсэн УИХ-ын гишүүн Х.Баттулгад сануулж, цалинг нь хасах замаар хариуцлага тооцох гэнэ.

Дүрэм журмаараа тухайн УИХ-ын гишүүнд сануулах, уучлалт гуйх, цалин хасах гэсэн саналаар байнгын хороо хуралдаж шийдвэрлэнэ" гэв.

УИХ-ын Ёс зүй, дэгийн байнгын хороо өнгөрсөн нэгдүгээр сарын /2025.01.21/ хуралдаанаар ажлаа байнга тасалж буй УИХ-ын гишүүн Х.Баттулга, С.Лүндэг нарт хариуцлага тооцох асуудал хөндөж байсан. 

Тодруулбал, УИХ-ын гишүүн С.Лүндэг 11 удаагийн чуулганы хуралдаанд нэг ч суугаагүй бөгөөд есөн удаагийн хуралдаанд эмнэлгийн чөлөөтэй байсан бол хоёрт нь тасалжээ. Харин УИХ-ын гишүүн Х.Баттулгын хувьд чуулганы хуралдааны нэгд нь л суусан бөгөөд гуравт нь эмнэлгийн чөлөөтэй байж, долоон удаа тасалжээ.

Тиймээс УИХ-ын Ёс зүй, дэгийн байнгын хорооноос Х.Баттулга, С.Лүндэг нарт байнгын хорооны хуралд дуудах албан бичиг хүргүүлсэн талаар мэдээлж байв.