Өнгөрсөн амралтын өдрүүдэд нэгэн иргэн ХУД-ийн эмнэлгийн хашааны гинжинд хүүхдээ тэврээд гүйж явахдаа бүдэрч унасан. Улмаар хүүхэд нь гэмтэж үзүүлэхээр ортол эмч нар нь "Харьяаллын дагуу Гэмтлийн эмнэлэг рүү яв" гээд анхан шатны тусламж үзүүлээгүй талаар цахим хуудастаа нийтэлсэн юм.

Тэгвэл уг асуудалд Эрүүл мэндийн сайд Э.Батшугар "Яаралтай тусламжийг харьяалал харгалзахгүй хүлээж авна. Сүүлийн кейс шиг алдаа намайг байгаа цагт хэн ч дахин гаргахгүй шүү. Тангарагтаа үнэнч байж ямар ч иргэнд тусламж үзүүлж байх хэрэгтэй. Би хэнийг ч хамгаалахгүй шүү.  Чанартай, найдвартай тусламж үйлчилгээндээ анхаарч ямар нэгэн зөрчил илэрвэл Наранбаатар даргаа шууд хууль дүрмийн дагуу хариуцлага хүлээлгэж яаралтай арга хэмжээ ав" хэмээн мэдэгдлээ.