Монгол Улсын Засгийн Газар болон “Оюу Толгой” ХХК-ийн хооронд “Өмнөд бүсийн эрчим хүчний салбарт хамтран ажиллах гэрээ”-нд гарын үсэг зурах ёслол Төрийн ордонд боллоо.

Гэрээний ач холбогдлын талаар "Тавантолгой цахилгаан станц" төслийн захирал М.Энхсайхан дараах тайлбарыг өгч байна.

М.Энхсайхан : Гэрээний ач холбогдлыг товчхон тайлбарлая.

1. Тавантолгой цахилгаан станцын төсөл дээр ОТ нягт хамтран ажиллана гэдэг нь ирээдүйд үйлдвэрлэх цахилгааныг ОТ худалдан авна гэсэн хэрэг л дээ.
2.Гэвч төсөлд шаардагдах хөрөнгийг банкуудаас гаргуулахад энэ нь хангалттай биш байж магадгүй. Энэ нөхцөлд толгой компани нь жишээлбэл Рио Тинто банкууд, хөрөнгө оруулагч нартай хэлэлцээ хийж зохистой шийдэх үүрэг авч байгаа юм.
3. Том цахилгаан станц болон Том хэрэглэгч дээр үндэслэн Өмнөд бүсэд ирээдүйдээ эрчим хүчний том систем тогтолцоо бий болох учиртай. Ингэхгүйгээр өмнийн бүсэд төлөвлөж байгаа уул уурхай, төмөр зам, бусад үйлдвэрүүд хөгжих бололцоогүй. Систем тогтолцоог зөв бүрдүүлбэл дараа дараагийн цахилгаан станцууд бий болох нөхцөл бүрдэж цахилгаан хэмээх тансаг бүтээгдэхүүнийг экспортлогч орон Монгол болох учиртай. Нэлээд холын бодлогоор гэрээ хийгдэж байгаа юм.
4. Ямар ч байсан Монголд хөрөнгө оруулах эсэхээ шийдэн ядаж байгаа хүмүүст Монголоос сайн мэссэж явлаа гэж бодож байна.

Гэхдээ тайвшрах болоогүй зөндөө ажил байна.

Эрчим хүчний сайд Сономпил хэлэхдээ монголчуудын ярьдаг "Дуугарвал дуу нэг, дугтарвал хүч нэг" гэдэг зарчим бол ОТ болон ТТЦС мэтийн Мега төслүүдийн зарчим байх учиртай. Үүний үлгэр жишээ болсон гэрээнд гарын үсэг зурлаа" гэв.

Мега төсөлд оролцогчид өөр хоорондоо үл ойлголцох нь хоёуланд нь хохирол авчирдаг. Цаг алддаг.

Цагийг хожвол бүхнийг хожно шүү дээ. Монголчууд аа