Засгийн газрын хэрэг эрхлэх газрын дэд дарга асан Г.Дэнзэнг дөнгөж сая АТГ-аас баривчилсан байна.

Тэрбээр Герман улсад сурч байгаад дөнгөж өчигдөрхөн эх орондоо ирээд байсан юм. Өнгөрсөн гуравдугаар сараас хойш түүнийг оргон зайлсан, эрэн сурвалжилж байна гэх мэдээллийг АТГ-аас цацаж байсан. Харин Г.Дэнзэн гадаадад зугатаагүй гэдгээ албан ёсоор мэдэгдэж захидал илгээж байсан билээ. "Хийсэн хэрэг байхгүй учраас эх орондоо ирлээ" хэмээн тэрбээр өчигдөр хэвлэлд өгсөн ярилцлагадаа дурьджээ.

Түүнийг ЗГХЭГ-ын дэд даргаар ажиллаж байхдаа албан тушаалаа ашиглаж “Эрдэнэс Тавантолгой” ХК-иас тендэр авсан гэх хэрэгт сэжиглэж байгаа юм. Харин тэрбээр өөрийгөө бохир улс төрийн золиос болсон гэж мэдэгдэж байгаа. Түүний өчигдөр хэвлэлд өгсөн ярилцлагыг энд дарж уншина уу.