Никитон хамтлагийн хит дуунуудын нэг “Үүлэн үст”-ийн кино шиг клипэнд тоглосноор олонд танигдаж эхэлсэн жүжигчин Б.Мишээл чамгүй сайн жүжигчин болохоо дахин харууллаа. Тэрээр байгуулагдаад удаагүй байгаа “Хүүхэд залуучуудын улаан театр”-ын анхны уран бүтээл болох алдарт зохиолч Виктор Гюгогийн зохиол “Парисын дарь эхийн сүм” сонгодог драмын жүжгийн гол дүрд амжилттай тогложээ.

   Сонирхуулахад жүжигчин Б.Мишээл СУИС-ын нэгдүгээр курсэд байхаасаа л киноны шилдэг найруулагчдын хараанд өртөж “Дэлхийд дурласан сар”, “Голланд сарнай” зэрэг кинонуудад амжилттай тоглосон авъяаслаг нэгэн юм.

   Ингээд та бүхэндээ “Үүлэн үст”-ийн Б.Мишээлийн үзэсгэлэнт дүрийг амилуулж буй тэр л мөчүүдийн фотог хүргэж байна.