Хачирхалтай давхцал 1895 онд Охайо мужид 2 машин мөргөлдсөн юм. Хамгийн хачирхалтай нь тухайн үед Охайо мужид хоёрхон машин байсан төдийгүй тэд нэг нэгнээ олж мөргөлдсөн аж. Өргөн зам, хоосон зай байсаар байхад мөргөлдсөн нь зүгээр нэг осол биш бөгөөд түүхэнд бичигдэхүйц үйл явдал болсон билээ.

Небраскагийн сүмийн дэлбэрэлт 1950 онд Небраскагийн сүм дэлбэрэхээс яг 5 минутын дараа найрал дууны бэлтгэл нь эхлэх ёстой байжээ. Эмгэнэлтэй явдал болж, найрал дууны хамтлагийнхан бүгд дэлбэрэлтэд өртөх байсан ч, хачирхалтай гэмээр тохиолдлоор хамтлагийн бүх гишүүд цагаасаа хоцорч ирсэн байна. Тиймээс барилга нурахад, дотор нь хэн ч байгаагүй гэдэг. Тэд бүгд янз бүрийн шалтгаанаас болж хоцорчээ. Удирдаач нь хүрмээ угаалгын газраас аваад, харин зарим нь өглөө сэрүүлгээ сонсоогүй унтсан, түүнчлэн дуртай радиогийн нэвтрүүлгээ дуустал нь сонсож байгаад хоцорсон зэргээр бүгд тус тусын шалтгаанаар, найрал дууны бэлтгэлээсээ хоцорч ирсэн байна. Сүмийнхэнд тохиолдсон энэхүү явдлыг ихэнх хүмүүс "бурхны бэлэг" хэмээн итгэдэг ажээ.

Гитлерийн зураг Энэ зургийг 1889 онд Германы зураач, уран барималч Франц Фон Штук зурж байжээ. Уг зурагт тэрс үзэлт бурхан буюу "Вотан" хүмүүсийг хэрцгийгээр хөнөөж буйг дүрсэлжээ. Хачирхалтай нь, энэ зургийг зурсан онд буюу 1889 онд Адольф Гитлер төрсөн бөгөөд зарим хүмүүс үүнийг Гитлерийн хоморголон устгалт, хэрцгий аллагуудыг зөгнөсөн гэж үздэг байна. Түүгээр ч барахгүй энэ зураг нь Адольф Гитлерийн дуртай зургуудын нэг байжээ. Зурагт дүрсэлсэн "Вотан"-ий царай ч бас Гитлертэй тун төстэй харагдаж байгаа биз? Германы домогт өгүүлснээр "Вотан" нь дайны бурхан байсан бөгөөд маш олон хүнийг алж, улс орон даяар үхэгсдийн цуваа үүсгэн, өөрөө тэргүүн эгнээнд нь явж байжээ. Үүнийг жирийн нэг тохиолдол гэхэд дэндүү хачирхалтай....

Хүүхэд ахуйн зураг "Учрах ёстой хүмүүс заавал учирдаг" хэмээх үгийг нотлох мэт Англид Ник, Эми хэмээх 2 хос хуримынхаа бэлтгэл ажлын үеэр багадаа авахуулсан зургаа олжээ. Тэд бага байхдаа, нэг өдөр, нэг цагт, хоёулаа гэр бүлийнхэнтэйгээ хамт, нэг наран шарлагын газар ирж байжээ. Эмигийн төрсөн газар байдаг уг газарт Ник гэр бүлийнхэнтэйгээ баяр тэмдэглэхээр ирсэн байжээ. Уг зурагт Никтэй маш ойрхон, ард талд нь Эми элсэн цамхаг барьж байгаа нь харагдана. Хосууд коллежид суралцаж байхдаа анх танилцсан байна.

1-р Умберто" хааны хувилбар Италийн 1-р Умберто хаан өөрийн төгс хувилбарыг нэгэн зоогийн газарт байдгийг туслагч нараасаа мэдэж авчээ. Тухайн зоогийн газрын эзэн нь Умберто хаантай маш адилхнаар барахгүй хоёулаа 1844 оны 3 сарын 14-ний өдөр, нэг газар төрсөн байжээ. Мөн хоёулаа Маргарита хэмээх ижил нэртэй бүсгүйчүүдтэй гэрлэсэн. Мөн зоогийн газрын эзэн өөрийн зоогийн газраа 1-р Умбертог хаан ширээнд заларсан өдөр нээсэн байжээ. Хамгийн хачирхалтай нь 1900 оны 6 сарын 29-ний өдөр Умберто хаан зоогийн газрын эзэн буудуулж нас барсныг сонсоод гашуудлаа илэрхийлэн сууж байтал түүнийг хэн нэгэн буудаж хөнөөсөн байна. Хачирхалтай хувь тавилан биш гэж үү?

Энтони Хопкинс болон ховор ном Нэрт жүжигчин Энтони Хопкинс (Anthony Hopkins) нь зохиолч Жорж Фейфер (George Feifer)-ийн бичсэн "The Girl from Petrovka" зохиолоос сэдэвлэн бүтээж буй кинонд тоглохоор болжээ. Тэрээр тус номыг олж унших гэж бүх номын дэлгүүрээр явсан ч олж чадаагүй бөгөөд гудамжаар алхаж явтал газар сандал дээр хэвтэх өнөөх номыг олж харжээ. Ямартай ч тэрээр номоо олж аван бөөн баяр гэртээ харьсан байна. Сүүлд жүжигчин эр, зохиолч Жорж Фейфертэй уулзсан бөгөөд түүний ховор номны тухай хэлэхэд Фейфер хуулбарлаж авсан ганцхан номоо найздаа өгсөн боловч тэрээр номоо алга болгосон хэмээжээ. Харин Энтони Хопкинс тус номыг олж авсан нь үнэхээр хачирхалтай. Тэд үүнийг хувь тавилан гэж итгэж, маш сайн найзууд болсон аж.

Анхны бөгөөд сүүлчийн цэргүүд Дэлхийн нэгдүгээр дайны үед амиа алдсан Британий хамгийн анхны болон сүүлийн цэргүүдийн булш хоорондоо 6 метрийн зайтай маш ойрхон байрладаг аж. Энэ нь зүгээр ч нэг тохиолдол гэж үздэггүй төдийгүй ямар нэгэн утга учрыг илтгэж байгаа хэмээн ярьдаг байна.

Эдгар Аллан Погийн зөгнөл Нэрт зохиолч Эдгар Аллан По (Edgar Allan Poe)-ийн бичсэн "The Narrative of Arthur Gordon Pym of Nantucket" гэх номонд 4 далайчин эр усан онгоцны ослоос амьд гарсан бөгөөд өлсөхийн эрхэнд Ричард Паркер (Richard Parker) гэх усан цэргийг иддэг хэмээн өгүүлдэг билээ. Харин 46 жилийн дараа тус явдал бодит амьдрал дээр биелэлээ олж, живсэн усан онгоцны далайчид Ричард Паркер гэх хүүг идсэн байдаг

Ихрүүдийн холбоо Ихрүүдийн хооронд ямар нэгэн нууцлаг холбоо байдаг аж. Үүний нотолгоо нь 2002 онд нэг өдөр, нэг зам дээр, 2 цагийн зайтай, 2 ихэр хүмүүс, хоёулаа ачааны машинд дайруулж нас баржээ. Финляндын нэгэн зам дээр нэг ихэр нь дугуйтай явж байгаад, ачааны машинд дайруулж нас барсан байна. Харин нөгөө ихэр нь, 2 цагийн дараа яг тэр газар, унадаг дугуйтайгаа зам гарч яваад ачааны машинд дайруулсан байна. Цагдаа нарын хэлж байгаагаар түрүүлж осолд орсон ихрийн үхлийн тухай гэр бүлийнхэнд нь мэдэгдэж амжаагүй байсан бөгөөд, нөгөө ихэр нь ямар нэгэн байдлаар түүний нас барсныг мэдэж байжээ.

Унаж буй хүүхэд 1937 онд АНУ-ын Мичиган мужийн Детроит хотод гудамж цэвэрлэдэг байсан Жозеф Фиглок гэгч эрийг гудамжаар алхаж явахад нь хажуугийн байшингийн 4 давхрын цонхноос яг түүний мөрөн дээр бяцхан хүүхэд унаж иржээ. Унасан, тосч авсан 2 хоёулаа маш их гайхширсан бөгөөд, хоёулаа бэртэл авсан боловч азаар амьд гарцгаажээ. 1 жилийн дараа Фиглок мөн л ажлаа хийгээд, гудамж шүүрдээд явж байтал түүний дээрээс өөр нэг 2 настай хүүхэд унажээ. Хүүхэд мөн л амьд гарсан байна. Энэ залуу санамсаргүй байдлаар 2 ч хүүхдийн амийг аварч, түүний тухай "Тайм" сэтгүүл дээр бичиж байжээ.

Дональд Трампыг зөгнөжээ 2000 онд гарсан алдарт "The Simpsons" цуврал киноны нэг ангид Дональд Трамп (Donald Trump)-ийг АНУ-ын ерөнхийлөгч болж байгаагаар дүрслэн үзүүлдэг. Харин тус кино дэлгэцнээ гарснаас 16 жилийн дараа тэрбумтан Дональд Трамп нь ерөнхийлөгчийн сонгуульд өрсөлдөж ялалт байгуулсан юм.

Ерөнхийлөгчдийн намтар АНУ-ын түүхэн ерөнхийлөгчид Авраам Линкольн (Abraham Lincoln) болон Жон Ф. Кенниди (John F. Kennedy) нарыг ижил заяа төөрөгтэй байсан хэмээн түүхчид үздэг. Учир нь Авраам Линкольн 1846 онд, харин Жон Ф. Кеннеди 1946 онд Конгрессд сонгогдож байжээ. Үүгээр ч дуусахгүй Линкольн “Форд” кино театрын урд толгойдоо буудуулан нас барсан бол Кенниди "Форд" машинд толгойн тус газартаа буудуулж, харамсалтайгаар амиа алдсан байдаг. Тэднийг хөнөөсөн алуурчдын нэрний үсэг адил 15 бөгөөд ерөнхийлөгчид 4 хүүхэдтэй, Билли Грахам гэх найзтай байсан гэдэг.

Азгүй ахан дүүс 1975 онд Эрскин Лоуренс Эббин (Erskine Lawrence Ebbin) гэх 17 настай хүү мотоцикл унаж яваад, таксинд мөргүүлэн амиа алджээ. Гэтэл яг нэг жилийн дараа талийгаачийн дүү ахынхаа мотоциклийг унаж яваад ижил ослоор нас барсан байдаг. Хачирхалтай байгаа биз?

"Жэймс Дин"-ий машин 1955 онд, домогт жүжигчин Жэймс Дийн "Порш Спайдер" нэртэй ховор загварын машинтай байсан бөгөөд хачирхалтай тохиолдлуудын улмаас уг машиныг хүмүүс хараалтай хэмээн бодох болсон байна. Тэрээр нэгэн машины уралдааны үеэр уг машинтайгаа мөргөлдөн, осолд орж, нас барсан байна. Харин жүжигчин залууг нас барсны дараа хэн нэгэн машиныг нь янзалж авахаар, өөрийн болгожээ. Гэвч, машиныг засч байсан ажилтны хөл дээр нь машины эд анги унаж, 2 хөлөө алдсан байна. Харин машины сэгүүд хожим нь Трой МакХенри, Виллиам Эшрид хэмээх уралдааны машин сонирхогчдын гарт очжээ. Үүний дараа МакХенри машинтайгаа мод мөргөн, газар дээрээ нас барж, Эшрид мөн л машины осолд орж, хүнд бэртэл авсан байна. Энэ машины эд ангийг авсан маш олон хүмүүс энэ мэт байдлаар нас барсан бөгөөд бүгдийг нь бичвэл бидний нийтлэл сунжрах бизээ

"The Omen" киноны хараал 1976 онд нээлтээ хийж байсан "The Omen" нь кино ертөнцийн түүхэн дэх хамгийн хачирхалтай кинонуудын нэг юм. Уг аймшгийн кино нь олны хүртээл болсны дараа үйл явдлууд нь бодит амьдрал дээр тохиолдож эхэлжээ. Тиймээс л хүмүүс уг киног хараалтай хэмээн бодох болсон байна. Жишээ нь, уг киноны нас бардаг хэсэг дээр тоглодог Жон Ричардсан хэмээх туслах найруулагч дараагийн кинон дээрээ ажиллаж эхлээд удаагүй байхдаа осолд орон, нас баржээ. Түүний найз бүсгүй Лиз Мүүр ч гэсэн киноны багт орж ажилласан бөгөөд киноны дараа удалгүй нас барсан байна. Мөн уг кинонд эцгийн дүрд тоглодог Грегори Пэк хэмээх жүжигчний төрсөн хүү нь кино гарсны дараа удалгүй толгой руугаа буудаж, амиа хорлосон байна. Түүнчлэн, киноны зохиолч Дэвид Зэлцэр болон туслах найруулагч Мэйс Нойфэльд хоёулаа онгоцонд сууж яваад осолдож, түүний хамтрагч харамсалтайгаар нас барсан аж. Эдгээрийг жирийн нэг тохиолдол гэхэд дэндүү хачирхалтай байгаа биз?

Титаникийн сүйрлийг зөгнөсөн зохиолч Зохиолч Морган Робертсон (Morgan Robertson)-ны “Wreck Of The Titan” зохиол алдарт Титаник хөлөг онгоцны сүйрэл болохоос 14 жилийн өмнө буюу 1898 онд зохиогдсон ч, төдийлэн нэрд гараагүй юм. Гэвч Титаник хөлөг онгоц сүйрсний дараа тус зохиолыг муу ёр зөгнөсөн гэж үзэх хүмүүс ч цөөнгүй байжээ. Хачирхалтай нь зохиол дээр бичигдсэн зорчигчийн тоо, хөлгийн хэмжээ, аврах завины тоо нь хүртэл “Титаник”-тай яг ижил байсан гэдэг.

Өөр өөр зуунуудад амьдарч байсан хөршүүд Нэрт хөгжмийн зохиолч Жеорж Хандел (George Handel) нь 16-р зуунд Лондон хотын "Brook" гудамжны 25-р байшинд амьдардаг байсан бол гитарчин Жими Хендрикс (Jimi Hendrix) нь 19-р зуунд Лондон хотын "Brook" гудамжны 23-р байшинд амьдардаг байжээ. Тэд өөр өөр зуунд боловч ойролцоо байрлах байшингуудад амьдарч байсан бөгөөд хөгжмийн салбарт хувьсал хийж явсан гайхамшигтай хүмүүс билээ.

Жон Кеннедигийн аллага Түүний аллага нь нууц хуйвалдаан бус хачирхалтай тохиолдол байсан гэдэг. Ж.Кеннедигийн туслахуудын нэг нь бичсэн "Johnny, We Hardly Knew Ye" номонд, түүнийг 1963 онд Далласт ирэх үеэр "Кеннедийг эсэргүүцэгч бүлгэмийнхэн" орон нутгийн сонинд түүний тухай оршуулгын мэдэгдэлтэй төстэй мэдээ нийтлүүлсэн байжээ. Үүнд тэргүүн хатагтай Жаклин Кеннеди ихэд санаа зовжээ. Энэ үед Ж.Кеннеди эхнэртээ, "Хэрвээ намайг алсаас буудвал, хэн ч түүнийг зогсоож чадахгүй шүү дээ" гэж хэлж байжээ. Тэр өөрийгөө хэн нэгэнд буудуулан үхнэ гэдгээ хэрхэн мэдэж, эхнэртээ энэ үгийг хэлсэн юм бол?

"Жим" ихрүүд Ихрүүд төрөөд хэдхэн долоо хоног болсныхоо дараа хувь тавилангийн эрхээр салцгааж, өөр өөр айлд үрчлэгджээ. Ихрүүд 39 нас хүрсэн хойноо л бие биенийгээ олсон бөгөөд, өөрсдийнхөө талаар ярилцаад маш их гайхсан байна. Учир нь, ихрүүдийг өргөж авсан гэр бүлүүд хоёуланд нь Жэймс (Жим гэж дууддаг) хэмээх нэр өгсөн бөгөөд хоёулаа Линда хэмээх бүсгүйтэй гэрлэж, харин дараа нь ахин Бетти гэдэг ижил нэртэй бүсгүйчүүдтэй гэрлэжээ. Түүгээр ч барахгүй, хоёулаа Жэймс Алан нэртэй хүүтэй болсон байна. Үүнийг л ихрүүдийн холбоо гэдэг байх даа.

"Hoover Dam" тохиолдсон золгүй явдал "Hoover Dam"-ыг барих явцад хамгийн анх нас барсан хүнийг Жордж Тирни (George Tierney) гэдэг байсан бөгөөд тэрээр 1922 оны 12-р сарын 20-ны өдөр амиа алджээ. Харин тус барилгыг барих явцад нас барсан сүүлийн хүн нь Жорджын хүү Патрик Тирни (Patrick Tierney) байжээ. Тэр бүү хэл Патрик нь яг аавынхаа талийгаач болсон өдөр буюу 12-р сарын 20-нд амиа алдсан байна.

Бараг л дахин төрлөө олсон нь "Ferrari" компанийн үүсгэн байгуулагч Энзо Феррари (Enzo Ferrari) 1988 онд нас баржээ. Харин нэг сарын дараа хөлбөмбөгчин Месут Озил (Mesut Цzil) төрсөн байна. Тэдний царай төрх нь маш адилхан бөгөөд хүмүүс Ферраригийн сүнс Месут Озилын биед орсон гэж ярьдаг билээ.

Орос тагнуулч Норман Мэйлер хэмээх зохиолч "Barbary Shore" хэмээх романаа бичиж байхдаа нэгэн орос тагнуулчийн тухай дурджээ. Уг романд орос тагнуулч нь жирийн нэг туслах дүр мэт бичигдэж эхэлсэн боловч төгсгөлийн хэсэгтээ маш чухал дүр болдог аж. Хамгийн хачирхалтай нь уг романыг бичиж дууссаны дараа АНУ-ын цагаачлалын албаныхан зохиолч Норман Мэйлерийн яг доод давхраас нь нэгэн Орос тагнуулчийг баривчилжээ. Тагнуулчийн нэрийг Колонел Рудольф Абел гэдэг байсан бөгөөд тэрээр тухайн цаг үеийнхээ шилдэг тагнуулчдын нэг байсан байна. Зохиолч романыхаа баатрыг доод давхарт нь амьдарч байсныг төсөөлөө ч үгүй явсан гэдэг.

“My Way” дууны хачирхалтай түүх Франк Синатрагийн “My Way” хэмээх дуу нь маш алдартай бөгөөд бас хачирхалтай. Яагаад ч юм энэ дууг караокед дуулж байхдаа нас барсан, амиа алдсан хүмүүсийн тоо 100 гаруй гэнэ. Зөвхөн Филиппинд гэхэд л 2000-2010 онд караокед Франк Синатрагийн уг дууг дуулж байхдаа 6 хүн нас барсан тул Засгийн газраас караокед энэ дууг дуулахыг хориглосон аж. Дахин нэг жишээ дурдахад Калифорни мужийн Сан-Матео хотод 2007 онд Роми Балигула хэмээх нэгэн хүн энэ дууг караокед дуулж байтал хамгаалагч нь орж ирээд цаг дууссан тул дуугаа дуусгах хэрэгтэй гэж хэлжээ. Харин Балигула дуугаа дуусгалгүйгээр үргэлжлүүлэн дуулж байтал хамгаалагч гэнэт түүний цээжинд сум зоож, амийг нь хөнөөсөн байна. Яагаад жирийн нэг дуунаас болж хүний амь нас бүрэлгэхэд хүрдэг байна? Зарим хүмүүс үүний шалтгааныг дууны үгэнд байгаа гэж үздэг аж.

"Клуб-27" 27 насандаа өөд болсон олон жүжигчин, дуучид байдаг байна. Хүмүүс энэ хачирхалтай тохиолдлуудыг 1969-1971 онд Жанис Жоплин (Janis Joplin), Брайн Жонес (Brian Jones), Жими Хендрикс (Jimi Hendrix), Жим Моррисон (Jim Morrison) нарын үхлийн үеэр анзаарсан байна. Клуб-27 хэмээх нэр Нирвана хамтлагийн дуучин Курт Кобайн (Kurt Cobain)-ийг 1994 онд 27 насандаа өөд болсных нь дараа гарч ирсэн байна. Үүний дараа 2011 онд алдарт дуучин Эми Уайнхаус (Amy Winehouse) мөн л 27 насандаа өөд болжээ. Шүтэн бишрэгчид нь хайртай дуучдаа цэл залуугаар нь алдсаны дараа маш их гашуудсан нь мэдээж. Харин эдгээр олны танил, алдартай дуучид нь бүгд 27 насандаа өөд болсон нь тун хачирхалтай байгаа юм.

Ромын эзэнт гүрэн Ром улсын хамгийн анхны хааныг Ромул (Romulus) гэдэг байсан бол Ромын эзэнт гүрний хамгийн сүүлчийн захирагчийг Ромул Августул гэдэг байжээ. Хүмүүс тус гайхалтай түүхт эзэнт гүрэн нь Ромул гэх нэрээр эхэлж, тус нэрээрээ дууссан хэмээн гайхан ярьцгаадаг билээ.