Түүнийг гудамжинд тэнүүлчин шиг амьдрах болсон гэх зэрэг мэдээллүүд гардаг. Тэгвэл түүний даруухан амьдралын шалтгаан нь хүнд хэцүү хувь заяатай нь холбоотой.

Киану Ривз нилээд асуудалтай гэр бүлд төрсөн. Түүнийг гурван настай байхад эцэг нь хар тамхинд донтож, эхнэр хоёр хүүхдээ хаяжээ. Үүний дараа Кианугийн ээж хүүхдүүдээ аваад Австралид суурьшив. Дараа нь Канад, Америк гээд дэлхийн нэг өнцгөөс нөгөө рүү нүүн, хэрмэл нүүдэлчин маягаар амьдарч байжээ. Энэ хугацаанд тэрбээр гурван ч хойд эцэгтэй болж амжжээ.

Нүүдэлчин амьдралын улмаас Киану сургуулиа байнга сольдог байсан нь түүний ярих, унших чадвар хөгжихөд сөргөөр нөлөөлдөг байжээ. Кианугийн аав гэр бүлээсээ салсны дараа хар тамхи хадгалсан хэргээр олон жил шоронд ял эдэлсэн бөгөөд Киану эцгийгээ одоог хүртэл уучлаагүй байна.

Киану Ривз өдийг хүртэл хэн нэгэнтэй гэрлээгүй, бас хүүхэдгүй. Энэ нь түүний амьдралд тохиолдсон эмгэнэлтэй явдалтай холбоотой аж. Киану залуудаа Женнифер Сиам хэмээх бүсгүйд чин сэтгэлээсээ хайртай байсан юм. Тэд хүүхэдтэй болж, үрээ хорвоод мэндлэхийг тэсэн ядан хүлээж байлаа. Гэтэл Женнифер амьгүй охин тээж байгаа нь шинжилгээгээр тогтоогджээ. Үүний дараа Женнифер мэдрэлийн гүн хямралд орж, сэтгэл зүйн эмчид хандсан юм. Энэ явдлаас хойш жилийн дараа Кианугийн хайртай бүсгүй авто ослоор нас барсан. Ривз хайртай бүсгүйнхээ шарилыг хорвоод мэндлээгүй охиныхоо шарилын дэргэд байрлуулсан гэдэг.

Женнифер амьд байж, бидний охин энэ хорвоод мэндэлсэн бол амьдрал ямар байх байсан бол гэж үргэлж төсөөлдөг гэж Киану хэлж байжээ.

Холливудын зарим жүжигчдийн хэлснээр Киану хэтэрхий харгис гэж үзсэн дүрд хичнээн хэмжээний мөнгө төлсөн ч татгалздаг гэнэ. Тэрээр сайн киноны төлөө өөрийнхөө хөлснөөс өгөхөд ч бэлэн байдаг. Тэрээр “Чөтгөрийн өмгөөлөгч” кинонд Аль Пачиног тоглуулахын тулд өөрийн 2 сая ам.долларыг түүнд өгчээ.

Дөрвөн жилийн өмнөх төрсөн өдрөө Киану Ривз кекс болон аяга кофе худалдан авч гудамжинд тэмдэглэсэн юм. Энэ талаар тэрбээр “Тухайн үед надад үнэхээр хэцүү байсан. Хэнийг ч харахыг, хэн­тэй ч ярихгүй хүсэхгүй. Женниферийг алдсаны дараа би яг л тэнүүлчин шиг автомашинд олон жил амьдарсан. Өөрийн хаалт­тай ертөнцдөө хэ­нийг ч нэвтрүүлэхийг хүсээгүй” гэжээ.

Ривз нийтийн тээврийн хэрэгслээр тэр тусмаа метрогоор үйлчлүүлэх дуртай. Хувийн амьдралынхаа талаар тэрбээр “Сайхан хайртай учруулахыг хувь заяанаасаа гуйдаг. Цаг нь болохоор би гэрлэж, үр хүүхэдтэй ч болно” гэдэг юм.