Япон улсын тодотгол болсон үзэсгэлэнт сакура цэцэглэж их наран улсад урин дулаан хавар болсныг тунхаглажээ.

Хэдхэн хоног эмзэг дэлбээгээ дэлгэж гоо үзэсгэлэнгээ гайхуулчихаад цэцгээ гээж өнгөө хувиргадаг анхилам үнэрт Сакура цэцэг жил бүрийн гуравдугаар сарын сүүлчээр Кюсю мужаас эхлэн цэцэглэж дөрөвдүгээр сарын эхэн гэхэд Токио хотоор дамжин тавдугаар сард Хоккайдо аралд цэцэглэн дуусдаг байна. Япончуудын бахархал болсон энэ гайхамшигт цэцгийн дэлбээ нээх үеэр бүх Япончууд хэзээ хэзээнээс илүү баяр хөөртэй, өөдрөг, өөртэй итгэлтэй байдаг гэнэ. Тиймдээ ч Сакурагийн гоёмсог дэлбээг унахаас өмнө ажил амралтаа зохицуулан цэцэрлэгт хүрээлэнг зорьдог ажээ. 

www.Dorgio.mn