Юки Тогаши бол японы мэргэжлийн сагсан бөмбөгийн тамирчин. 1993 оны долдугаар сард төрсөн тэрбээр одоо тус улсын Б лигийн Чиба Жетс Фунабаши багт тоглодог. 167 см өндөртэй /PG/ хамгаалагчийн байрлалд тоглодог тэрбээр 2014 онд НБА-гийн Даллас Маверикс багийн Зуны лигт уригдан тоглож байсан нэгэн.

Түүний хувьд 2017 оны Б лигийн Бүх Оддын тоглолтын үеэр Үнэ цэнэтэй тоглогчийн шагналыг хүртэж байсан билээ. Биеэр намхан ч гэлээ хурдан шаламгай хөдөлгөөн болон холын зайн оновчтой шидэлтээрээ сагсан бөмбөг сонирхогчдын хараанд ихээр өртдөг тамирчин юм.