Монголын рок попын урлагт өөрийн гэсэн өвөрмөц дүр төрх, хоолойны өнгө, цар хүрээгээрээ ялгаран гарч ирсэн дуучин Э.Агиймаа нэг хэсэг гэр бүлийн амьдрал зохион дуу хуураа орхиод байсан ч хэсэг эргэн ирэлт хийж дуучин Б.Маралжингоо, У.Уранцэцэг нартай хамтран “Зэрлэг цэцэгсийн хүлэмж” киноны дууг дуулсан нь үзэгчдээс тун өндөр үнэлгээ авч байсан билээ.

Тэрбээр урлагийн элит гэж болох Г.Жамъяан хуурчийн ач хүү, “Никитон” хамтлагийн дуучин Б.Батчулууны төрсөн дүү, Төрийн соёрхолт Д.Болдын үеэлтэй ханилан хадмынхаа өндөр босгыг давсан гэдэг. Гэвч сүүлийн үед дуучин бүсгүй уран бүтээлийн ажил бас бус асуудлаас болсон уу, яасан. Нөхөртэйгээ таарамж муутай байх нь ихэссэн бөгөөд саяхны нэгэн өдөр хүүгээ тэврэн гэрээсээ явсан гэж хэвлэлээр мэдээлэл гараад нэлээд хэдэн жилийн нүүр үзжээ.

Хорин насны босго даваад удаагүй байхдаа ээж болсон залуухан сайхан бүсгүйд гэрийн мухар сахиж суух нь уйтгартай санагдах нь мэдээж хэрэг. Харин олны анхаарлыг үргэлж татдаг царайлаг, гоолиг эхнэрээ бусдад алдчих вий гэсэн нөхрийнх нь хардлага ч энд бас нөлөөлсөн нь лавтай биз ээ. Харин одоо ганц бие ээжийн амьдралаар нам жим байх шиг.