Нийгэмд Мүүн гэх гаж урсгалын талаар яриа дэгдэхээр Монгол улсын болосролын асуудал сөхөгдөх юм. Үүнийгээ дагаад сүүлийн хэдэн жил тасралтгүй шинэчлэгдэж буй сурах бичгүүдийн талаар яригдаж эхэлнэ. Одоогоос хоёр жилийн өмнө БСШУЯ Ерөнхий боловсролын сургуулийн хичээлийн хөтөлбөрөөс уран зохиолын хичээлийг хасах талаар шуугиан дэгдээгээд авсан удаатай. Гэтэл сэтгүүлчийн алдаанаас үүдсэн ташаа мэдээлэл болж өнгөрсөн. Б.Насанбаяр гэх хүний тухай яригдаж эхлэхээр сурах бичгийн талаар дэлгээд тавьчих юм.

Мүүн, сурах бичиг хоёроо одоо салгаж тус тусад нь хэлэлцэж асуудлыг шийдэх нь зүйтэй болов уу?

БСШУЯ-ны стратеги бодлого төвлөлтийн газрын дарга хүн бүхий л сурах бичгүүдийг баталдаг л байх. Гэхдээ энэ салбараас гарч буй баталсан сурах бичигт сошал ертөнцөөр тархаад буй сэдвүүд байдаггүй гэнэ. Тэгвэл өмнөх жил яалт ч үгүй бага ангийн буюу хоёрдугаар ангийн сурах бичигт орсон нэгэн сэдвийн талаар дурдая.

 

13-р дунд сургуулийн хоёрдугаар ангийн сурагч Монгол хэлний гэрийн даалгавраа хийж байхдаа нэгэн шүлгийг уншаад ойлгохгүй эмээгээсээ асуужээ. Гэтэл эмээ нь хүүхдэдээ яаж тайлбарлах аа мэдэхгүй байсан тул аав, ээж хоёрын иртэл түр хойшлуулж өөр хичээлээ хийсэн байна.

Тодруулбал, Монгол хэл хоёрдугаар ангийн сурах бичгийн 151-р хуудас "Ховч" нэртэй шүлэг. Уг шүлэгт Тогмид багш аа өчигдөр

Томчуудын кино үзсэн

Худлаа гэвэл түүний ард

Хулан бид хоёр сууж байсан. О.Сундуй

хэмээх шүлгийг уншаад 7 настай хүүхэд "Томчуудын кино" гэж ямар киног хэлээд байгаа юм бэ? гэж эмээгээсээ асуухад эмээ нь ч хэлэх үг олдоогүй байна. Яахав дээхэн үе үе байсан бол байлдаан, тулаантай кино гээд хэлчихье гэсэн чинь болсонгүй гэх.

Гэтэл уран яруу хэллэг монгол хэлний гайхамшгийг мэдрүүлэх ганц ч үг байхгүй уг шүлгийг дуурайлган шүлэг зохиох даалгавар багтсан байгааг харж болно. БСШУЯ-наасаа баталсан энэхүү сурах бичигт ийм үг хэллэгтэй шүлэг ордог нь тун хачин. Нөгөөтэйгүүр зохиолч хүүхдийн сурган хүмүүжүүлэх үүргээ умартсан уу. Дээр үед энэ тэнд хов зөөж "ховон хошуулч" болохгүй шүү гэж аав, ээж захидаг байсан. Гэтэл дээрх шүлэг хэн нэгний ховлож бай гэсэн утгатай агуулж буй бололтой хэмээн мөхөс би дүгнэв. Ийнхүү сурах бичигт ёс бус үг хэллэгтэй шүлэг орсон нь Зохиогчдын буруу юу, БСШУЯ буруутай юу? Өнөөдөр уг ном дахин шинэчлэгдсэн.

 

 

Яамнаас батлаагүй гэх номнуудад этгээд үг хэллэг, алдаа бол тоймгүй их. Нэгэнтээ л боловсролтой холбоотой асуудал сөхөгдөж байгаа учраас хүүхдийн сурах бичиг болон хүүхдэд зориулсан ном, зохиолд цензур тавья Л.Гантөмөр сайд аа. Номыг эмхэтгэж, хэвлэн гаргах газруудад тавих шаардлагыг ч мөн мартахгүй байх нь зүйн хэрэг биз ээ. Ганцхан яамнаас батлан гаргасан сурах бичигт гарсан алдаа биш хэмээн өөрсдөөсөө түлхэн хариуцлагаас мултрах арга хайх нь зөв шийдэл бус.

Нэгэн иргэн хүүхдийнхээ монгол хэлний даалгаврыг хийлгэх гээд заримдаа ойлгодоггүй гэнэ. Тэгээд өөрийнхөө бага ангидаа сурч байсан үеийнхээ сурах бичигтэй шинэчилэгдсэн номыг харьцуулалт хийжээ.

Боловсролын системд өөрчлөлт орж болох ч гэлээ хүүхдийн хүмүжилд нөлөөлөх номны үг хэллэг ингэтлээ төрөл арилжих хэрэггүй баймаар юм.

 

 

 

 

 

 

 

 

 

 

 

 

 

 

 

Энэхүү номыг 2014 оны зургаадугаар сард ШӨХТГ-аас ёс бус хэллэгтэй 32 номыг хураан авч, дөрвөн номыг лангуунаас татан авсан билээ.