Загварын ертөнцийн хамгийн төгс хос гэгддэг залуусын амьдрал хоёр тийшээ болсон. Нэг хэсэг хосууд цахим хуудсаар хэрүүлийн алим бие бие рүүгээ шидэлцсэн билээ. Тэдний салах болсон шалтгаан нь загвар өмсөгч С.Эрдэнэцогт хэт шоу цэнгээн гэж алга болдгоос үүдэлтэй хэмээн түүний экс эхнэр шуугиан дэгдээгээд авсан. Харин салаад удаагүй С.Төгс шинэхэн амрагаа олон нийтэд танилцуулсан юм. Ингэснээр буцаад эвлэрэх байх гэсэн загварынхны хүлээлт үгүй болсон гэдэг.

Харин түүний хоёрдахь амрагийн талаар экс нөхөр нь "Тэр уул нь манай хуурай дүү. Ичмээр юм, тэр муу бацаан одоо. Намайг найзуудтайгаа хамт буудалд уугаад алга болдог гээд байдаг шүү дээ. Тэгэхэд хамт уугаад явж байсан хүн шүү дээ. /инээв/ Хадам бол бүр сайн мэдэж байгаа. Сүбээдэй бид хоёр хадмынд хамт ороод, зураг авалттай гэж худлаа яриад үсээ янзлаад шоудах гэж гарч л байлаа" хэмээн нэгэн ярилцлагадаа дурджээ.

С.Төгс загвар өмсөгч Сүбээдэй гэх залуутай "Tokyo fashion week"-д явахдаа учир ургуулсан хэмээн ойр тойрныхон яриа чих дэлсээд авсан.

С.Эрдэнэцогт экс эхнэртэйгээ эргэж нийлэх талаар бодохыг ч хүсэхгүй байгаа бөгөөд миний дараа Төгсөө Сүбээдэйг гэртээ авчирлаа. Бүр миний байж болох хамгийн муу хувилбарыг арчаагүй байдал нь давамгайлчихсан тийм муу хувилбарыг шинэчлээд update хийгээд аваачаад тавьчих юм.  Охиноо харья л гэж би Төгсөө рүү залгадаг. Одоо бол бид хоёрын хооронд хайр ярих нь утгагүй болсон. Охинтойгоо хүссэн үедээ уулздаг байхад миний хувьд хангалттай гэжээ.

Хэвлэлд яриа өгснийхөө дараа Эрдэнэцогт, С.Төгсөө рүү залгаж уучлалт гуйжээ.

Д.Ана