Эко автомашин импортлогчдын холбооноос Хотын дарга Х.Нямбаатарт холбогдуулан Хан-Уул дүүргийн иргэний хэргийн анхан шатны шүүхэд ханджээ.

Тэд шүүхэд нэхэмжлэл гаргахдаа Хотын дарга Х.Нямбаатарыг ажил хэргийн нэр хүндэд халдсан хэмээн үзэж, 1 тэрбум төгрөг гаргуулахаар хандсан. Тэгвэл шүүхээс холбооны нэхэмжлэлийг үндэслэлтэй хэмээн үзэж Хотын дарга Х.Нямбаатарт иргэний хэрэг үүсгэхийг үүрэгдсэн байна.

Тус холбооныхон өмнө мэдээлэл хийхдээ, Хотын түгжрэл, утаа автомашины бизнес эрхлэгчдээс шалтгаалж буурахгүй байгаа юм шиг мэдээллийг олон нийтэд өгсөнд их харамсаж байна. Хэвлэлээр нэгнийгээ доромжилж, гутааж байгаад харамсаж байна. Бид нар өөрсдийнхөө боломжоор бизнес хийснийхээ төлөө буруутай юм уу. Олон нийтээс болон биднээс уучлал гуйхгүй бол бид шүүх, цагдаад хандах болно гэдгээ илэрхийлж байсан билээ.