Засгийн газрын хуралдаанаас гаргасан шийдвэрийг танилцуулж байна. Хуралдаанаар: 

• Хөгжлийн банкны үйл ажиллагаа холбогдох хууль тогтоомжид нийцэж байгаа эсэх тухай ээлжит хяналт, шалгалт хийсэн дүнгийн талаар
• 2025 оныг Нийслэлийн дэд бүтцийн хөгжлийг дэмжих жил болгон зарласантай холбогдуулан авах арга хэмжээний талаар
• Нийслэлийн агаарын бохирдлын талаар
• “Хоолны түүхий эдийн зардлыг шинэчлэн тогтоох тухай” Засгийн газрын тогтоолын төсөл /хүүхдийн хоолны зардал/ зэрэг найман асуудал хэлэлцжээ.

Аж үйлдвэрийн сайд Ц.Туваан дараах мэдээллийг өглөө: 

-14 мега төслийн хэрэгжилтийн явцыг танилцуулъя. Эдгээрээс 3 төсөл  эхэлсэн.

Нэг. Эрдэнэбүрэнгийн УЦС-ын санхүүжилтийн гэрээг БНХАУ-тай байгуулан, ажил үргэлжилж байна.  
Хоёр. Ганцмод-Гашуунсухайт боомтын хил холболтын төмөр замын гэрээг хоёр улсын Засгийн газар хооронд байгуулах чиглэлийг УИХ хэлэлцээд, тогтоол батлав.
Гурав. Францын Орано групптэй байгуулах, хөрөнгө оруулалтын гэрээний төслийг мөн УИХ хэлэлцлээ.

Ойрын хугацаанд зэс хайлуулах цогцолборыг Засгийн газрын хуралдаанаар хэлэлцсэн. Үйлдвэр технологийн парк байгуулах хуулийн дагуу энэ цогцолборыг байгуулсан. Шинээр ХХК байгуулах, эсэхийг шийднэ.           

БНХАУ-ын "Петрочайна Дачин тамсаг" компани газрын тос олборлодог. Тус компанитай байгуулсан, Бүтээгдэхүүн хуваах гэрээтэй холбоотой, татварын маргаан үүссэн. Үүнийг хурдан шийднэ. Учир нь тус компани ОХУ-аас БНХАУ руу манай нутаг дэвсгэрээр дамжин өнгөрөх байгалийн хийн хоолойг барина. Бид ирэх онд БНХАУ-ын CNPC компанийн удирдлагуудтай очиж уулзана.

Говийг усжуулах төсөл мөн 14 мега төсөлд багтсан.

Таван толгойн цахилгаан станцыг гацаанаас гаргавал “Оюу толгой” ХХК-ийг цахилгаанаар хангах боломж бүрдэнэ гэв.