Ерөнхий боловсролын сургуулийн II улирлын хичээл нийслэлд өнөөдөр эхэлж байна. 

Хүйтний эрч нэмэгдэхээс гадна танхимын сургалт эхэлснээр амьсгалын замын халдвар нэмэгддэг тул Боловсролын Яамнаас Эрүүл Мэндийн Яамтай хамтран ерөнхий боловсролын сургууль, сургуулийн өмнөх боловсролын байгууллагуудад томуу, томуу төст өвчнөөс урьдчилан сэргийлэх чиг үүрэг бүхий ажлын хэсэг байгуулжээ.

Мөн томуу, томуу төст өвчний халдвар нэмэгдэх эрсдэлтэй учир хүүхдүүдээ дулаан хувцаслаж, гар халдваргүйтгэх, ээлжийн масктай явуулах, амны хаалт зүүж хэвшүүлэхийг Боловсролын Яамнаас зөвлөж байна.