Энэ зун зураг авалтаа хийж дууссан "Миний ах атаман" киноны уран бүтээлчид шүүхэд дуудагджээ. Тодруулбал: "Миний ах атаман" киноны уран бүтээлчид кино зураг авалтандаа зориулан маш их хэмжээний мөнгийг хуурамчаар хэвлэж, зураг авалтандаа ашигласан нь цагдаагийн газарт дуудагдах шалтгаан болсон байна .

Үнэн хэрэгтээ тус бүтээл нь хагас тэрбум өртөгтэй бүтсэн боловч ийнхүү хуурамч мөнгийг маш их хэмжээгээр хэвлэж кино зураг авалтанд ашигласнаар цагдаагийн байгууллага дээр ээлж ээлжээр дуудагдаж байгаа сурагтай.

Кино сонирхогчдын дунд багагүй хүлээлт үүсгээд буй тус кино нь энэ сарын 12-нд буюу ирэх баасан гарагт бүх кино театруудаар нээлтээ хийх бөгөөд уран бүтээлчдийн маань чихийг халууцуулаад байгаа уг хэрэг хэрхэн шийдэгдэхийг тэнгэр л мэдэх биз ээ.