УИХ-ын намрын чуулган нөгөөдөр нээлтээ хийх гэж байна. Үүнтэй холбоотойгоор энэ долоо хоногт нам, эвслийн бүлгүүд хуралдаан, байнгын хороо, УИХ-ын нэгдсэн чуулганаар хэлэлцэх асуудлууд ч тодорхой боллоо. Тодруулбал энэ лхагва гарагт УИХ-ын  намрын чуулганы нээлт болдогоороо болж, нам, эвслийн бүлгүүд хуралдаанаа хийхээр төлөвлөсөн байна.

Харин пүрэв гарагийн чуулганаар:

  • “Олон улсын худалдаа, хөрөнгө оруулалтын асуудлаар ил тод байдлыг хангах тухай Монгол Улс, Америкийн Нэгдсэн Улс хоорондын хэлэлцээр”-ийг соёрхон батлах тухай хуулийн төсөл /хэлэлцүүлэг үргэлжилнэ/;
  • Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай Улсын Их Хурлын тогтоолын төсөл /хэлэлцэх эсэх үргэлжилнэ/;
  • Засгийн газрын гишүүнийг огцруулах тухай асуудал;
  • Эмийн талаар төрөөс баримтлах бодлого батлах тухай Улсын Их Хурлын тогтоолын төсөл /эцсийн хэлэлцүүлэг/;
  • Төрөөс ойн талаар баримтлах бодлого батлах тухай Улсын Их Хурлын тогтоолын төсөл /хэлэлцэх эсэх/;
  • Галын аюулгүй байдлын тухай /шинэчилсэн найруулга/ болон холбогдох бусад хуулийн төслүүд /хэлэлцэх эсэх/;
  • Хуулийн этгээдийн улсын бүртгэлийн тухай /шинэчилсэн найруулга/ болон холбогдох бусад хуулийн төслүүд /хэлэлцэх эсэх/;
  • Хөдлөх эд хөрөнгө болон эдийн бус хөрөнгийн барьцааны тухай болон холбогдох бусад хуулийн төслүүдийг хэлэлцэх эсэхийг шийднэ.

 

Харин баасан гарагт болох УИХ-ын  чуулган дээр Ерөнхий сайд Эдийн засгийг эрчимжүүлэх 100 хоног буюу “Эзэн-100” хөтөлбөрийн хүрээнд хийсэн ажлаа тайлагнах ажээ.  

Сөрөг хүчин, Монгол улсын дийлэнх иргэд эдийн засаг сэхэх биш сэхээнд орсныг хүлээн зөвшөөрнө. Тэгэхээр энэ баасан гарагт Норовын хүү Алтанхуяг хэдэн сайд, “цэрэг”-үүдтэйгээ хамт зэмлэл, банга хүртэх нь ойлгомжтой боллоо.  

Энэ удаад Монгол улсын эдийн засаг сэргэж байгаа  та нар битгий олон юм ярьж ажил хийлгэхгүй бай гэж  омогдохгүй байх. Үнэхээр хийсэн бүтээснээ, хувь хувьсгалын ажлаа хэрхэн амжуулснаа үнэн мөнөөр нь тайлбарлана гэдэгт найдаж байна.  

Өргөн хэрэглээний бараа бүтээгдэхүүний үнэ ханш нэмэгдэж,  иргэд, эдийн засаг элгээрээ мөлхөж,  мөнгөний ханш суларсан хариуцлагыг энэ үед л нэхмээр байна Сөрөг хүчин, Шударга ёс эвслийнхээн...