Нэлээд хэдэн жилийн өмнө дуучин Темон хэмээх залуу дуугаараа үеийн залуусаа байлдан дагуулж явсан. Багаасаа л нийгмийн идэвхитэй байж, дунд сургуульд байхдаа дүүргийнхээ хөдөлмөрийн аварга хүртэл болж байсан тэрбээр шаггүй сайн илтгэгч болсноо нэгэн үе харуулаад авсан шаггүй хөдөлмөрч залуу. 2010 онд “Royal Academy” нэртэй хувийн сургууль байгуулж өдгөө захиралаар нь ажиллаж байгаа.  

Урлагаасаа хөндийрч нийгмийн манлайлагч болсон Н.Учрал нэг хэсэг улс төрд орох гэж зүтгэж байгаад аавынхаа үгээр больсон гэдэг.  Дуугаа орхисон ч шаггүй шүлгийн зохиолч гэдгээ  дуучин С.Бичүүгийн "Ахиж би дурламааргүй байна", "Нууцхан гуниг", "Сүүлчийн зогсоол", дуучин Мөнхбат Лхагва нарын "Сайн уу, найз минь" зэрэг дууны шүлгийг бичиж харуулсан билээ. 

Тэрбээр дөрөвдүгээр ангид байхдаа “Аадар бороо” шүлгийн түүврээ анх гаргаж, дараа нь “Тэнгэрийн нуур”, “Учралын ертөнцөд аялсан минь” нийтлэлийн ном, “Супер студэнт” (гарын авлага), “Супер спикер” зэрэг хувь хүний хөгжлийн цувралуудыг бичсэн зохиолч. Харин сүүлд бизнес эрхлэгчдэд зориулж эдийн засгийн болон эрх зүйн талаас нь бичсэн “Франчайзинг” хэмээх Монголын анхны франчайзинг судлалын бүтээлээ хэвлүүлсэн юм. 

Ийнхүү салбар бүрт өөрийгөө авьяаслаг нэгэн гэдгээ баталсан залуу амьдралын ханиараа Сэлэнгэ бүсгүйг сонгож одоогоос 6 жилийн өмнө хурим хийж, гал голомтоо бадраасан. Өдгөө бүл нэмж дөрвүүлээ болсон.

"аавыгаа өглөө бүр 8 цагт сэрээж ажилд нь явуулдаг эртэч шувуухай" хэмээн хүүгийнхээ зургийг олонд дэлгэлээ. Охиныг нь У.Мишээл гэдэг.

Нийгмийн идэвхитэй Н.Учрал сүүлийн үед МАН-ын дэргэдэх НАМЗХ-ынхоо ажилд илүүтэй анхааралаа хандуулж яваа. 

Д.Ана