АН: Тавантолгойн 51 хувийг төр эзэмшинэ
2015/04/28
УИХ дахь АН-ын бүлгийн хуралдаанаар Тавантолгойн асуудлыг хэлэлцэж 51 хувийг төр эзэмших ёстой гэсэн Гүйцэтгэх зөвлөлийн шийдвэрийг дэмжих хэрэгтэй гэж үзжээ. Гэхдээ албан ёсоор шийдвэр гараагүй бөгөөд зөвхөн АН-ын гүйцэтгэх зөвлөлийн шийдвэрийг дэмжих хэрэгтэй гэж үзсэн байна.
“Тавантолгойн ордод эзэмших 51 хувийг төрийн өмчит “Эрдэнэс тавантолгой” компани эзэмшээд, үлдсэн 49 хувьд гадаад дотоодын хөрөнгө оруулагчдыг оруулна. Энэ нь АН-ын мөрийн хөтөлбөр болон Засгийн газрын мөрийн хөтөлбөртэй нийцэж байгаа” гэдгийг бүлгийн хуралдааны үеэр гишүүд хэлж байсан аж.
АН-ын бүлгийн хуралдаанд Монгол Улсын сайд М.Энхсайхан “Эрдэнэс Тавантолгой” компанийн захирал Я.Батсуурь нарыг оролцуулж, гэрээний төсөлтэй холбоотой тайлбар мэдээлэл авсан байна. Улмаар АН-ын бүлгээс УИХ-ын тогтоолын төсөлтэй холбоотойгоор Тавантолгойд ажлын хэсэг байгуулах хэрэгтэй гэж үзсэн байна. Ажлын хэсэг 10 гаруй гишүүн багтах юм. Тодруулбал Тавантолгойн асуудлыг УИХ-ын гурван байнгын хороо хэлэлцэх бөгөөд байнгын хорооны гишүүдийн нам, эвслийн бүлэг, бие даагч гишүүдийн төлөөллийг орoлцуулах юм. Улмаар Монгол улсын сайд М.Энхсайханы УИХ-д өргөн бариад байгаа төслийг тал бүрээс нь хэлэлцэж зарчмын зөрүүтэй саналуудыг нэгтгэх хэрэгтэй гэж үзсэн байна.
Зочин · 2015/04/29
Ингэж жүжиг тавих хэрэг байгаа. Сонгуул ойрхон байна. Уг нь ОЮУ толгой дээр 51 гэж дуу гарах ёстой байсан. Тэр сайхан бая********** АВЛИГАЧДЫН гараар оруулсан даа. Хариуцлага тооцох зүйл на******дад алга. Шударга хүн төрд гарвал шинэ шоронгууд АН, МАН ын авлигачдаар дүүрнэ
Зочин · 2015/04/29
уг нь 100 % төрийн өмч юмсан. яагаад 51 % өмчилнө гээд байгаа юм бэ. Тэгэж л өгөх гээд байгаа юм бол надад өгчих.
зочин · 2015/04/29
Нөгөө хөрөнгө оруулагчдаа хөөгөөд явуулчихлаа даа. Одоо хэн монгол хөрөнгө оруулах вэ дээ. Засгийн эрхэнд гарсан нам 4 жилээр бодлогоо өөрчилдөг байсан, одоо нэг нам нь дотроо учраа олохгүй заваардаг болсон болохоор хэн бидэнд итгэж мөнгөө оруулахав. 34 хувийг эзэмшдэг Оюутолгойдоо мөнгөө оруулж чадахгүй байгаа монгол, 51 хувийг эзэмшээд хөрөнгө оруулах мөнгө нь хаана байнаа. Ёстой үлгэр, монголчуудыг өрөнд унагаж өтөнд бариулах нэг алхам, өөр юу ч биш. Бизнес гэдэг чинь цаг хугацаа, манайхан шиг ингэж заваарч суудаг улс хаана байсан юм. Ердөө л Енерже ресурс гэдэг компанийг эндээс шахаж гаргах гэсэн санаа. Ганц төрийн өмчит уул уурхайн компани байгуулчихаад түүнийгээ удирдаад явж чадахгүй байж
Зочин · 2015/04/29
За энэ төсөл будаа болжээ. Шууд л 51гээд тулгана биздээ. Цаг барж яах гэсэн бэ. Тэр их өрийг улам л үргэлжлүүлж хүү төлж байх нь дээр гэж үзэж байгаа улстай юу ч ярих билээ.