Ховд, Хэнтий, Эрдэнэт нутгийн гурван хүү Монголын оюутны холбоонд хамт зүтгэж олон мянган залуусын дуу хоолой болон ажиллаж байсан цаг саяхан. Тэгвэл өнөөдөр энэ 3 лидер залуус төрийн өндөр албан тушаалтан болж мөн л ард түмний, Монгол улсын нийт хэрэглэгч, аж ахуй эрхлэгчдийн төлөөлөл болж цаг наргүй ажиллаж байна. Д.Мөнхтөр, Э.Галбадрах, Д.Гантулга гэсэн гурван залуу өөр өөр улс төрийн намд харьяалагддаг ч гэсэн хамтдаа зүтгэж, хийж бүтээж, нэгдэж явсан найзуудын хувьд нөхдийн тангараг үл тасран өнөөдрийг хүрчээ. Тэдэнд ямар нэгэн жалга довны үзэл суртал нөлөөлдөггүй бөгөөд хийж бүтээх чин эрмэлзэл нь тэдний голдоо уулзалдах, Монголын ард түмний төлөө зүтгэх гол үндэс нь болдог байна. Тэд өсвөр наснаасаа л лидерүүд байсан. Өнөөдөр ч тэд ЛИДЕРҮҮД.