bcc6eaaf1c67853aoriginalОймстойгоо гэрээсээ ачигдсан, “аавынд” өлсгөлөн зарласан, “Авлигын” хэргээр ял шийтгэгдсэн гэх олон дуулианы эзэн болох Монгол Улсын гурав дахь ерөнхийлөгч асан Н.Энхбаяр  “Монгол тулгатны 100 эрхэм” нэвтрүүлэгт оролцсон нь олон нийтийн анхаарлыг татаж байна.

Түүний оролцсон энэхүү нэвтрүүлэг өчигдөр оройноос эхэлж телевизүүдээр цацагдаж эхэлсэн билээ. Уг нэвтрүүлэгт оролцохдоо бүхий л цаг үед туулж өнгөрүүлсэн цаг хугацаа, алдаа оноогоо ярьсан төдийгүй улс төрчдийн үнэн нүүр төрхийг илчлээд авлаа.

Энэ үеэр өөрийн хэлмэгдэж улс төрөөс хөөгдсөн шалтгаанаа Тавантолгойн ордтой холбож тайлбарласан.

“Намайг яагаад улстөрөөс зайлуулах гээд байгаа гэвэл Тавантолгойн ордыг ард түмэнд өгье гэсэн тууштай саналаас минь болсон юм.  Энэ ордын үндсэн хэсгийг  Ерөнхий сайд С.Баярын үед хувийн хэвшлийнхэнд өгсөн. Харин энэ ажлыг зохион байгуулж, будилуулсан хүн нь Ерөнхий сайд асан С.Батболд. Тухайн үед С.Батболд надад тайлбарлахдаа “Тавантолгой ордыг МАН талаас М.Энхболдыг төлөөлж Т.Бадамжунай, АН талаас Ц.Элбэгдорж болон бусад бүлэглэлүүдэд хуваая, та нэгдэх үү” гэсэн” гэв.

67ee520782445f0boriginalМөн хамт Монголын улс төрд зүтгэж явсан Ц.Нямдоржийн тухай ч мөн дурслаа. Түүний тагнуул, туршуул гэж хэлэгдэж байсан үе, тэр үеийн улс төрийн нөхцөл байдлын талаар ч ам нээсэн юм.

Тэгвэл УИХ-ын гишүүн Ц.Нямдорж өөрийн твиттер хуудаснаа “Зарим нэг хүмс намайг идэвхтэй байдалд орууллаа. Орой ТВ2-р сувгаар Мөнхбаясгалантай ярилцана.” , “За би бүх хүнд хариу бичиж чадахгүй байх. Цензургүй яриа нэвтрүүлгээр би олон ноцтой мэдээллийг хүргэнэ.” хэмээн жиргэлээ.

UntitledfgresЭнэ нь угтаа Н.Энхбаярын хэлсэн мэдээллийн дагуу өөрийн тайлбар өгөхөө хэлж, олон ноцтой мэдээллийг хүргэхээ зарлалаа.

Өнөөдөр орой 21 цагаас Хоёрдугаар суваг телевизийн “Цензургүй яриа” нэвтрүүлгээр олон баримт дэлгэгдэх бололтой.

Улс төрчдийн өөрийгөө өмгөөлсөн тайлбар, мэдээллүүд хэвлэл мэдээллээр түгэж, тэдний хошин шогийг харж суух л үлдэж байна.

Магадгүй “Монгол Улсаа хөгжүүлж өшөөгөө авах”-аа илэрхийлсэн Н.Энхбаяр ноёнтоны “өшөө авалт” энэ ч юм билүү?

Г.Туяа

Ugluu-logo20