Шүүгчдийн авлигыг зөөсөн Гавьяат хуульч хэн бэ?
2019/07/02
Ерөнхийлөгч Х.Баттулга 2019 оны зургадугаар сарын 26-нд 17 шүүгчийн бүрэн эрхийг түдгэлзүүлэх зарлиг гаргасан. АТГ-аас өмнө нь үндэслэлгүй хөрөнгөжсөн гэх үндэслэлээр шалгагдаж байсан хэд хэдэн шүүгчийн нэр Ерөнхийлөгчийн энэ зарлигт багтжээ. Заримынх нь нэр уг зарлигт ороогүй байв.
Бүрэн эрх нь түдгэлзсэн шүүгчдийн зарим нь өнгөрсөн амралтын өдрүүдээр сэтгүүлчдэд мэдээлэл хийв. Ингэхдээ “…АТГ-ынхан Салхитын мөнгөний ордтой холбоотой хэргийн талаар асуусан” гэлээ.
Ингэхээр тухайн үед АТГ-ынхан Салхитын мөнгөний ордтой холбоотой шүүгчдийн авлигын хэргийн сэжүүрээс барьж аваад шалгаж байсан болж таарав.
Баттай эх сурвалжийн мэдээллээр эдгээр шүүгчтэй холбоотой авлигын ноцтой баримтуудыг АТГ-ынхан гартаа оруулж чадсан байна.
Салхитын мөнгөний ордтой холбоотой хэргийг шийдсэнийхээ төлөө авлига авсан, өгсөн хэрэг хөдөлшгүй баримтаар тогтоогдож буй ажээ. Өөрөөр хэлбэл, тун удахгүй нэр бүхий шүүгчдэд авлигын мөнгө зөөдөг нэгний талаарх мэдээлэл зэрэг ил болно. Тэрхүү шүүгчдийн авлигыг зөөдөг хүн нь Монгол Улсын Гавьяат хуульч цолтой эрхэм юм байна.
Б.Дамдин-Очир
Эх сурвалж: “Зууны мэдээ” сонин
Бат · 2019/08/10
Өмхийрсөн төрийн гавьяат өөр юу хийх юм бэ
монгол · 2019/07/03
Тэр Бямбаа гэж хүн амьд байсан бол их юмны сэжүүрийг мэдэж байсан байна. Эзэн хаандаа үнэнч самурай нар баригдаад ирэнгүүт гэдсээ хүүлж үхдэг шиг бусад авилгач нөхдийнхөө арыг даагаад бурханы оронд заларчээ. Уг нь үхэхийнхээ өмнө хамаг бузар булайг нь дэлгээд үхсэн бол ард түмний дунд баатар мэт үнэлэгдэх байлаа
ATG good · 2019/07/03
Atg n ymar ch bsan ajillaj bnaa. Good
Зочин · 2019/07/02
Гавъяат хуульч гэвэл боож үхэдэг авгай юм бишүү
шаабар · 2019/07/02
Урд нь гэсэн зөндөө л илрүүлж, тэр тухайгаа зарлаж, хорьж сүр үзүүлдэг л байсан. Харамсалтай нь шийтгүүлсэн авилгач нэг ч байхгүй нь хачирхалтай биш үү. Төрийн томчуул бараг бүгд хулгайч болохыг АТГ-ынхан зөндөө л зарласан даа. Тэгэж тэгэж хөөн хэлэлцэх хугацаа нь дуусчихдаг. Энэ талаас нь харвал тэд зүгээр л иргэдийн сэтгэл зүйгээр тоглож, цаг хожиж л байна.
Зочин · 2019/07/02
С.төмөрбат оргоод явчихлаа Эхнэр нь гээд нэг хүүхэн гэмгүй ээж Бямбааг хороллоо гээд сүржигнээд байсан тэр хүнийг шалгаач Бямбаагийн бүх юмыг мэддэг гээ биздээ
АТГ сайн · 2019/07/02
Жирийн иргэн миний хувьд АТГ сайн ажиллаж байгаа. Урьд нь мөнгө иддэг албан тушаалтнуудыг хэзээ ингэж илрүүлж, улайлгаж, хуулийн өмнө авчирч байсан юм.