Баянгол дүүргийн 3-р хороо Нарны гүүрний урагш чиглэсэн эгнээг аравдугаар сарын 5-ны 23:00 цагаас эхлэн түр хугацаагаар хаалаа.

Нарны гүүрний хойд талд дулааны шугамын ажил хийгдэж байгаатай холбогдуулан ийнхүү урагш чиглэсэн эгнээг хаажээ.

Засварын ажлыг шуурхай зохион байгуулж байгаа бөгөөд жолооч нарыг хөдөлгөөний эрчим сийрэг авто замыг сонгон замын хөдөлгөөнд оролцохыг Тээврийн цагдаагийн албанаас зөвлөж байна.

Нийслэлийн авто замын хөгжлийн газраас засварын ажил хийх тул уг замыг аравдугаар сарын 5-ны 23:00 цагаас аравдугаар сарын 6-ны 05:00 цаг хүртэл хаана хэмээн мэдэгдэж байсан ч засварын ажил дуусаагүй байгаа юм. Замын зорчих хэсэгт доош цөмөрсөн байсан нь дулааны шугамтай холбоотой хэмээн мэдэгдлээ.