Хөлбөмбөгийн спортыг нийтэд хүртээмжтэй байлгах хүүхэд бүрийн хичээллэх боломжийг олгох зорилготой Грассрүүтс үйл ажиллагааг “Шонхорууд” клубийн дасгалжуулагч Н.Ганхуягийн санаачилгаар зохион байгуулжээ.

Сонгинохайрхан дүүргийн 70 гаруй хүүхэд оролцсон тус үйл ажиллагаа 83 дугаар сургуулийн ногоон талбайд болж, хүүхдүүд нэг өдрийг хөлбөмбөгийн өртөөчилсөн, хөгжилтэй дасгал хөдөлгөөнийг хийн өнгөрүүлсэн байна.

Нийслэлд бүтээн байгуулсан зуу зуун хөлбөмбөгийн талбайг хүүхэд бүрд цоожтой бус, нээлттэй болгох гол зорилготой энэхүү арга хэмжээг цаашид дүүрэг тус бүрд, багш дасгалжуулагчидтай хамтран Монголын хөлбөмбөгийн холбооныхон зохион байгуулахаар төлөвлөжээ.

 

 

Эх сурвалж: "Монголын үнэн" сонин