УИХ-ын гишүүн Х.Баттулгыг Зам Тээвэр, Барилга Хот Байгуулалтын сайд байх үед "Монголын Төмөр Зам" компаний захирал, Х.Баттулгын зөвлөх байгаад одоо УИХ-ын дарга З.Энхболдын зөвлөх болсон А.Гансүхийг Зам Тээврийн сайд байх үед уг яамны ТНБДаргаар ажиллаж байсан Б.Батзаяаг Эрүүн Цагдаагийн Газраас баривчилан шалгаж буй билээ. Түүнд Эрүүгийн хуулийн 148 дугаар зүйл буюу Бусдын эд хөрөнгийг залилан мэхэлж авах, 1661 буюу Мөнгө угаах гэх зүйл заалтуудаар эрүүгийн хэрэг үүсгэсэн.

Тэгвэл Б.Батзаяад үүсгэсэн эрүүгийн хэрэгтэй холбогдуулан "Женко" Х.Баттулгын багт ажиллаж байсан “Либерти партнерс”-ийн захирал Ч.Ганбат, “Монголын Төмөр Зам” ТӨХК-ийн дэд захирал П.Бат-Эрдэнэ нарыг мөн баривчлахаар тушаал гарчээ. Гэвч П.Бат-Эрдэнэ, Ч.Ганбат нар Сингапурт байгаа бөгөөд үүнийг нь ч Х.Баттулга нотолж, "Гадааддаа л байж байг" хэмээсэн билээ.

Гэхдээ "Тавантолгой Гашуун сухайтын төмөр зам төсөлд нийт 487 сая доллар, 2.1800 км төмөр замын зураг төсөлд 11.8 сая доллар, хуулийн үйлчилгээнд 4.5 сая, эдийн засгийн зөвлөн үйлчилгээнд одоогоор 1.9, хяналтын зөвлөх үйлчилгээнд 5.5 сая нийт 510 сая долларын гэрээнд тухайн үед гарын үсэг зурсан асуудлаар нь сэжигтнээр тооцогдоод буй дээрх хоёр иргэнийг Интерполоор эрэн сурвалжлахаар болсон байна.

Эх сурвалжуудын өгүүлж буйгаар "Женко" Х.Баттулга сүүлийн үед ихэд бухимдуу байгаа бөгөөд багийн бусад гишүүдтэйгээ огт уулзахгүй байгаа ажээ.

П.Мандах

http://www.sonin.mn