Засгийн газрын хуралдаанаас гаргасан шийдвэрийг танилцуулав. 

Сангийн сайд Б.Жавхлан: Өнөөдөр экспортыг дэмжих, валютын нөөцийг нэмэгдүүлэх ажлын хэсгийн ээлжит танилцуулгаа хийлээ. Экспортыг нэмэгдүүлэхийн эцсийн зорилго нь валютын нөөцийг нэмэгдүүлэх. Засгийн газрын дан нөөц, Монголбанкны дан нөөц гэж байхгүй. Монголбанкны валютын нөөц л гэж бий.

Тиймээс бүх талууд үүнд өндөр ач холбогдол өгч ажиллаж байгаа. Иймээс Засгийн газар бүх боломжит сувгуудаараа ажиллаж байна. Мөн Санхүүгийн тогтвортой байдлын зөвлөл долоо хоног бүрийн Мягмар гараг хуралдаж байна. Валютын нөөцийг нэмэгдүүлэх ажлыг экспортыг нэмэгдүүлэх буюу биет хэмжээг нэмэгдүүлэх, мөн санхүүгийн зах зээл дээрх нөөц бололцоогоо дайчилж энэ чиглэлээр ажиллана гэсэн үг. Банкуудын хувьд бэлэн байгаа нөөц, шинээр хөрөнгө оруулалт, хөрөнгийн зах зээл дээр хөрөнгө босгох ямар боломж байна вэ, Засгийн газрын ямар дэмжлэг байна зэрэг асуудлыг ярилцлаа. Өнгөрсөн долоо хоногт Засгийн газрын хуралдаанаас хойш манай худалдан авагч талуудтай уулзаж, зохицуулалт хийлээ. Гуравдугаар сарын 13-нд ажлын хэсэг байгуулснаас хойш өчигдрийн байдлаар Монгол Улсын валютын нөөц 5 тэрбум ам.долларт хүрлээ. Монгол Улсын валютын нөөц өмнө нь хоёр удаа 5 тэрбум ам.долларт хүрч байсан бол өчигдөр гурав дах удаагаа 5 тэрбум ам.долларыг давлаа. Цаашид тогтвортой барих, нөөцөө хамгаалах, нэмэгдүүлэх чиглэлд бодлого төвлөрүүлж ажиллана. Нэгдүгээр улирлын хувьд нүүрсэн дээр цохилт авсан ч зэсийн экспорт сайн байлаа. Өнгөрсөн оны мөн үетэй харьцуулахад Биет хэмжээгээр 40 хувь нэмэгдэж татварт төвлөрүүлдэг орлого нь ч төчнөөн хэмжээгээр нэмэгдсэн. Өөрөөр хэлбэл, нүүрснээс алдагдсан орлогыг тодорхой хэмжээгээр зэсээр нөхөж байна гэсэн үг. Хоёрдугаар улирлын хувьд эдийн засгийн идэвхжлийн үе байдаг. Гурав, дөрөв, тав, зургаадугаар сард бүтээн байгуулалтын ажил эхэлдэг. Иймд бид шууд төлөвлөж болох Засгийн газрын хөрөнгө оруулалтад онцгой анхаарч ажиллаж, ийм горимд шилжин ажиллаж байгааг дуулгая.

Эдийн засгийн байнгын хорооны өчигдрийн хуралдаанаар 2023 оны байдлаар Монголбанкны алдагдал 2 тэрбум ам.доллар буюу 7,4 их наяд давсныг ОУВС анхааруулсан тухай асуудал хөндөгдсөн нь анхаарал татаж буй. Энэ талаар Сангийн сайд Б.Жавхлан "Монголбанкны хуульд төвбанкны алдагдлыг Засгийн газрын үнэт цаасаар нөхөж болно гэх. Тэгэхээр төвбанкны ямар алдагдлыг Засгийн газар нөхөх вэ гэдгийг судалгаа шинжилгээтэй байж бодлогын шийдвэр гарна. Үйл ажиллагааны алдагдал уу, бодлогын зардал уу. Монголбанкны зардлыг хоёр ангилж үзэх хэрэгтэй. Үйл ажиллагааны алдагдал, бодлогын зардал гэж. Жишээ нь, бодлогын хүү 12 хувьд хүрсэн, үнэт цаас нь 8 их наяд байхад бодлогын хүүний зардал 1 их наяд болно шүү дээ. Тэгэхээр бодлогын хүүний зардал бодлогын зардал гэсэн үг. Өөрөөр хэлбэл, инфляцыг нам дор байлгаж иргэдийн мөнгөн хөрөнгийг хамгаалж эдийн засгийн аюулгүй байдлыг хангахын төлөө гаргаж буй зардал гэсэн үг. Тиймээс энэ бол үйл ажиллагааны алдагдал биш. Цаашид Засгийн газрын чадамж байх нь уу. Монголбанкны алдагдлыг Засгийн газрын үнэт цаасаар хаах боломж, бодлогын шийдэл байгаа. 30 жил ийм хуультай явж ирсэн. Засгийн газрын боломж гарах үед ийм шийдэл гаргахыг үгүйсгэхгүй. Гэхдээ өнөө, маргаашдаа биш. Засгийн газрын боломж нь хүрэх болоогүй байна, ДНБ өсөлт, төлбөрийн тэнцэл зэрэг маш олон зүйлтэй уялдаж гаргах шийдвэр" гэлээ.

Монгол Улсын гадаад валютын нөөцийг богино хугацаанд 5 тэрбум ам.долларт хүргэснийг Засгийн газрын хуралдааны үеэр Сангийн сайд Б.Жавхлан мэдээллээ.

Энэ үеэр валютын нөөцийг нэмэгдүүлсэнтэй холбогдуулан хэлсэн үгэндээ "Өчигдрийн байдлаар валютын нөөц 5 тэрбум ам.долларт хүрлээ. Богино хугацаанд хагас тэрбум ам.доллараар нэмэгдсэн. Валютын нөөц нэмэгдэхэд Монголбанк, Засгийн газар ямар нэгэн байдлаар гадаад өр тавиагүй гэдгээ албан ёсоор хэлье. Хятадын төвбанктай юань, төгрөгийн своп хэлэлцээ 2013 онд анх эхлүүлж байсан. Гэрээ байдаг. Төвбанкны нөөцийг хэрэгсэл. Одоогоор нөөц хэрэгсэлд хүрээгүй. Гэхдээ ойрын хугацаанд ашиглах шийдэл байхгүй. Өөр ямар боломж байна вэ, хямд эх үүсвэрүүд юу байна гэдгийг харж байна. Экспортын биет хэмжээг нэмэгдүүлэх бүх боломжийг дайчилж байна. Нүүрсний экспортын биет хэмжээ буураагүй. Зэс 40 хувиар нэмэгдэж нөхөж байна, алтны боломж байна. Бирж дээр хуульд оруулах өөрчлөлт байна. Импортын сөрөг дарамтыг бууруулах зэрэг бодлогын бүх арга хэмжээг дайчилж ажиллана" гэлээ.