СХД-ийн 24 дүгээр хорооны замд "Сэлгээний галт тэрэг саатуулсан байна" гэсэн мэдээллийг энэ сарын 27-ны 10:25 цаг ТЦА-наас шалгажээ.

Тодруулбал, УБТЗ-ын Сонсголонгийн 2-р километрийн "Номин"-гийн гармаар сэлгээний 3006-р галт тэрэг явах үед 41 настай жолооч нь "Toyota Prius-30" маркийн автомашиныг жолоодож яваад, сэлгээний галт тэргэнд шүргүүлж галт тэргийг саатуулсан зөрчил гаргасан байна.

Ослын улмаас бэртэж гэмтсэн хүн байхгүй бөгөөд автомашины жолооч нь "Гар утсаар оролдож явсан" гэж мэдүүлжээ.