Н.Алтанхуягийг дарахын тулд олон хүн яллах нь
2015/07/27
Ерөнхий сайд асан Н.Алтанхуягийн ахлах зөвлөх байсан Л.Гансүхэд шүүхээс таван жилийн ял төлөвлөсөн бол ЗГХЭГ-ийн дэд дарга, “Эрдэнэс-Тавантолгой” компанийн ТУЗ-ын дарга асан Г.Дэнзэнгийн цагдан хорих хугацааг хоёр сараар сунгаж, мөн “Эрдэнэс Тавантолгой”-н захирал асан Я.Батсуурьт ял төлөвлөхөөр улайрч байна. Үүнээс гадна эрх мэдэл бүхий хэсэг бүлэг хүмүүсийг нууц байдалд шалгаж эхэлсэн гэх албан бус мэдээлэл байна. Тэр ч бүү хэл нэр бүхий УИХ-ын гишүүдийг ч шалгахаар зэхэж байгааг ч дуулгалаа.
Мэдээжийн хэрэг улстөрд “Алтангадас” нэрийн дор томоохон бизнес бүлэглэл үүсгэсэн Н.Алтанхуяг ба түүний нөхдийг дарж авах гэсэн кампанит ажил бололтой. Улстөрд үүсээд байгаа энэ ороо бусгаа байдлыг дарж авах нь тэргүүн үүрэг хэдий ч ганц нэгэн хүнийг дарж авахын тулд ийм олон хүн яллах нь зөв үү, буруу юу гэдгийг ч тунгаах зүйн хэрэг болжээ. Ямартай ч “Эрдэнэс Тавантолгой”-н захирал асан Я.Батсуурь, Л.Гансүх нарт ял өгөх үндэслэл байхгүй хэмээн мэргэжилтнүүд үзэж буй.
Түүнээс бус цэл залуухан өндөр албан тушаалд орж ирсэн хүргэн дүү, тухайн цагт Эдийн засгийн хөгжлийн сайдаар ажиллаж байсан Н.Батбаяр нарын хувьд бол яах аргагүй түүний хамсаатан байж таарна. Тэгэхээр Н.Алтанхуягийг дарж авахын тулд олон хүн яллах хэрэггүй хэмээн олонхи хүн үзэж байна.
Г.Дэнзэнгийн хувьд өдгөө ШШГЕГ-ын харьяа 461 дүгээр ангид цагдан хоригдож байна. Түүнийг АТГ-аас албан тушаалаа урвуулан ашиглан улсад онц их хэмжээний хохирол учруулсан үндэслэлээр буюу Монгол Улсын Эрүүгийн хуулийн 265.2, 150.3 дахь хэсэгт зааснаар эрүүгийн хэрэг үүсгэн шалгаж байна. Улмаар тавдугаар сарын 21-ны өдрөөс цагдан хорьж, улмаар хорих хугацааг хоёр сараар сунгасан юм. Түүний хоригдох хугацаа дуусч байгаа ч хорих хугацааг дахин хоёр сараар сунгасан юм.
Баримт сөхвөл Г.Дэнзэнг эхнэрийнхээ “Говь Пауэр” ХХК-д 4.5 тэрбум төгрөгийг эвлэрлийн гэрээний үндсэн дээр олгосон гэдэг үндэслэлээр шалгаж эхэлсэн байдаг. Харин тэрбээр энэ асуудалд “Миний тухай сөрөг мэдээлэл их цацагдаж байна. Надад хууль зөрчсөн зүйл байхгүй. Тавантолгойгоос 17 тэрбумын тендер авсан зүйл байхгүй. “Говь повер” гэдэг компани байхгүй, хэзээ ч байгаагүй” гэх тайлбарыг өгчээ.
А.Гал
сүхбаатар · 2015/07/27
сайн шалга шоронд нь суулга луйварчид даварч гүйцээд байна ш дээ
Зочин · 2015/07/27
эд нарыг бүгдийг нь сайн шалгах хэрэгтэй Юуны чинь дарж авах Улс орноо мөхлиин ирмэгт аваачсан нөхдүүдииг юунд нь өмөөрөх вэ дээ Энэ ниитлэл бичсэн нөхөр өөрөө эрлииз нөхөр бхаа
Зочин · 2015/07/27
улсын мөнгө идсэн хэн гуаг ч шалгах нь зөвөө
би · 2015/07/27
энхбаяр алтанхуяг хоёр монголийг аврана
МУИС-ийн багш · 2015/07/27
Энэ Гал гэгч нэрээ нуусан нөхөр илт мөнгөөр нийтлэл маягийн юм бичдэг нөхөр байна. Энэ Алтанхуяг бол жирийн ард түмэн бидний жинхэнэ дайсан. Дандаа танил талаараа дамжуулан улсын мөнгө иддэг нөхөр. Улс төрчид бүгд л иддэг. Гэхдээ энэ Алтанхуяг шиг эвдэрсэн, хүн чанаргүй, хорчин нөхөр жирийн хүмүүст л хамгийн их гай тарьдаг. Дандаа хамгийн ойрын хүмүүсээрээ дамжуулан улсын мөнгө иддэг. Төрийн сангийн захирал байсан Пүрэвсүрэн (шоронд ороод гарсан) бол энэ нөхрийн шавь, Цэвэр агаар сангийн мөнгө идсэн Хүрэлсүх бол энэ нөхрийн намын нөхөр,нүүрсний мөнгө идсэн Гансүх бол энэ нөхрийн гарын хүн, хүргэн Дэнзэн нь Засгин газрын баахан мөнгийг хувийн компанидаа шилжүүлсэн, охин Саранзаяа нь Сангийн Яаманд байхдаа дээрх нөхдийн гаргаж өгдөг байсан. энэ мэтээр Алтанхуягийн танил талаар улсыг хохироосон зах зухаас ийм байна. Хүмүүс мэддэггүй юм билээ. Аргагүй дээ, хүмүүс гаднаас нь өнгөц дүгнэдэг юм чинь. Түүнээс жаахан ойр байсан хүмүүс бол \алтанхуягийн жинхэнэ эвдэрсэн моральтай хүн болохыг мэд
Зочин · 2015/07/27
АЛТАНХУЯГ ДАРГА ТА ЭНЭ ЦАГИЙН ЗАВХАРЛЫГ ТЭСЭЖ ГАРНА ШҮҮ. МОНГОЛЫГ СЭРГЭЭН МАНДУУЛАХ ЦАГ АЙСУЙ!!!