Эрдэнэт үйлдвэрийн захирлаар очоод удаагүй байгаа Х.Бадамсүрэн 300 саяар авсан цоо шинэ Lexus570-аа унаж, 24 саяар засвар хийлгэсэн байрандаа тухлаад, шинээр томилогдсон орлогчдоо тойруулж, туслахуудаа зандраад вант улсаа төвхнүүлж буй.

“Хэдхэн жил амьдрах байранд хэт их хөрөнгө хаяж байна даа” гэх шүүмжлэлийн хариуд, “ганцхан сарын цалин шүү дээ, ичихгүй бол суутгаад ав л даа” гэх хандлагатай даналздаг гэсэн. Харин одоо Эрдэнэт үйлдвэрийнхэн Х.Бадамсүрэн захирлын шинэ туслахын талаар жиг жуг хийцгээж байна. Орос бүсгүйчүүд хэзээнээсээ л гоо сайхнаараа шагшигддаг. Тэгвэл хойд нутгийн залуухан “согоо” Х.Бадамсүрэн захирлын үүдийг манах болжээ.

Саяхан тэрээр туслахаа дагуулан нутагт нь очиж, томилолтын хоногоо хэтрүүлснээ ч анзаараагүй гэлтэй удаан хугацаагаар “ажиллаад” ирж. Эрдэнэтийнхэн төдийгүй, энд шаргал ордонд хүртэл Х.Бадамсүрэн захирлын орос туслахын талаар ярилцаж, нас тогтсон эрийн шинэ гангарааг шагшиж байна.

Ш.Даваа

zindaa.mn