Хэн хэндээ гомдох аваас хэдүүлээ шүүх дээр уулзах уу, Ц.Гарамжав гишүүнээ
2017/04/27
ХЭН ХЭНДЭЭ ГОМДОХ АВААС ХЭДҮҮЛЭЭ ШҮҮХ ДЭЭР УУЛЗАХ УУ, Ц.ГАРАМЖАВ ГИШҮҮН ЭЭ?!
Бусдын нэр төр, алдар хүндэд халдсан эсэхийг маань шүүхээр нягтлахгүйгээр шууд л хэн нэгний, тухайлбал, гишүүн Ц.Гарамжавын өөрөө өөрийгөө өөгүй гэж өмгөөлсөн гомдлын дагуу захын хэв журмын цагдаа 10-100 сая төгрөгөөр торгох эрхтэй болж байгаад бид ч бас гомдож байна-
Засгийн газраас УИХ-д өргөн барьсан Зөрчлийн тухай хуулийн шинэчилсэн найруулгын төсөлд “хүний нэр төр, алдар хүнд, хуулийн этгээдийн ажил хэргийн нэр хүндийн асуудлаар гарсан зөрчилд хувь хүнд хоёр сая төгрөг, аж ахуйн нэгжид 20 сая төгрөгийн торгууль ногдуулах”-аар тусгаад байсан ч байнгын хорооны хэлэлцүүлгийн үеэр гишүүн Ц.Гарамжавын гаргасан торгуулийн хэмжээг бүр 10-100 сая болгох санал дэмжигдлээ.
Түүний нэр хүнд 10-100 сая төгрөгийн үнэ хүрч болох эсэх, сэтгүүлчийн алдаа энэ хэмжээний төлөөстэй байж болох эсэх нь үнэндээ дараагийн асуудал юм. Тэгвэл хамгийн гол асуудал нь юунд оршиж байна вэ гэж үү?!
Бусдын нэр төр, алдар хүндэд халдсан эсэхээ сэтгүүлч бид Шүүхээр шийдвэрлүүлэх Үндсэн хуулийн эрхээ алдаж байгаад АЮУЛ оршиж буй юм. “Зөрчил” хэмээн зөөлрүүлэн нэрлэсэнд нь хэвлэлийнхэн баярлаж, эрүүгийн гэмт хэргийн ангиллаас ангижрууллаа гэж андуурч явжээ бид. Эрүүгийн хэрэгт сэжиглэгдсэн хэн боловч эхлээд гэм буруугүй гэдгээ нотлох баримтыг цагдаад болон шүүхэд гаргаж өгч, түүнийг Монгол Улсын шударга шүүхээр хэлэлцдэг байсан хамгаалалт маань үнэндээ алга болсон байжээ.
Бусдын нэр төр, алдар хүндэд халдсан эсэхийг маань шүүхээр нягтлахгүйгээр шууд л хэн нэгний, тухайлбал, гишүүн Ц.Гарамжавын өөрөө өөрийгөө өөгүй гэж өмгөөлсөн гомдлын дагуу захын хэв журмын цагдаа 10-100 сая төгрөгөөр торгох эрхтэй болж байгаад бид ч бас гомдож байна. Бид шүүхийн өмнө тэгш эрхтэй гэж Үндсэн хуульд тунхагласан. Тэр тусмаа шударга шүүхээр үнэн мөнөө тогтоолгох эрхтэй. Гэтэл бид одоо яагаад мэргэжлийн үйл ажиллагааныхаа улмаас шүүхийг ч хэрэглэх, ашиглах эрхгүй болж хувирав.
Өмнөх УИХ-аар баталсан шүүхийн шинэтгэлийн багц хуулиудын хүрээнд сэтгүүлчийг Эрүүгийн хуулиар шүүхээ больё, зөрчлийн хуулиар асуудлыг нь ярьдаг больё гэж зөөлрүүлсэн нь үнэн. Гэтэл өнөөгийн бүрэн эрх бүхий парламент тэдгээр хуулиудыг хүчингүй болгож, улмаар Засгийн газраас шинэчлэн боловсруулж өргөн барихдаа Хууль сахиулах ажиллагааны тухай хуулийг бүр үгүй хийсэнтэй энэ бүхэн холбоотой юм.
Сэтгүүлч, хэвлэл мэдээллийн хэрэгсэл бусдын нэр төр, алдар хүндэд халдах нь эрүүгийн гэмт хэрэг биш зөрчил гээд уг зөрчлийг шүүхийн шатанд хэлэлцэж баймааж хоёр талд үнэн, худлыг нь хуваарилж өгөх үйл явцыг тэрхүү Хууль сахиулах ажиллагааны тухай хууль, Эрүүгийн хэрэг хянан шийдвэрлэх тухай хуулиас хасагдчихаад байгаа хялбаршуулсан журмаар шийдвэрлэх хэрэг хэмээх бүлэгт тусгаад байсан юм.
Хуулиар, шүүхээр эрхээ хамгаалуулах, гэм буруугаа тогтоолгох эрхийг маань мэдэн будилж үгүй хийсэн Засгийн газрын будилаан дунд хатагтай Ц.Гарамжав үнэхээр овсгоо гаргажээ. Харин одоо Ц.Гарамжав тэргүүтний нэр төр, алдар хүнд иргэний мэдэх эрхээс яагаад илүү үнэ цэнэтэй байгаагийн учрыг түүнээс өөрөөс нь асуухын ялдамд яагаад төрийн өндөр албан тушаалтны нэр төрийн дархлаа жирийн иргэнийхээс эмзэг байдгийн учрыг хэлэх байна.
УИХ-ын гишүүн Ц.Гарамжав Та. Тэрчлэн бохь зажилдаг, боорцог иддэг ч бай ялгаагүй, УИХ-ын гишүүн Та бүхэн энэ улсын иргэн миний төрд сонгогдох эрхийг төлөөлөн хэрэгжүүлж буй давхар хариуцлагыг хүлээсэн юм. Нийтээр мөрдөх хэм хэмжээ, хуулийг тогтоох, тэрхүү хуулийн хэрэгжилтийг хянах эрх мэдлийг төсөв зохиох, батлах эрх мэдэлтэй хамт давхар давхар эдэлж суугаа этгээд. Торхтой баланд хуруугаа дүрэх хүсэл нь хүний төрөлхийн дутагдал юм.
Тэр их эрх мэдлээ урвуулан ашиглах вий, нийтийн ашиг сонирхлыг хөндөх замаар хувийн эрх ашгаа гүйцэлдүүлэх вий, улс орны тусгаар тогтнол, аюулгүй байдлын эсрэг ноцтой шийдвэр гаргачих вий, тендер завшчих вий гэж хардах, хянах эрх иргэн надад бий.
Иргэдийнхээ энэхүү эрхийг хамгаалахын сэтгүүлч бид хардах, таамаглах, сэжиглэх эрхийг УИХ-ын гишүүн Та нараас биш олон улсын гэрээ конвенцийн хүрээнд бид баталгаажуулан авсан юм. Энэхүү эрхээ хэтрүүлчих вий, хэлтийлгэчих вий гэдэг хяналт бидний мэргэжлийн үйл ажиллагаан дээр ч байх ёстойг ухамсарладаг. Харин тэрхүү хяналтыг биш шударга шүүхийн зарчим дор эдлэх учиртай юм.
Ц.Гарамжав Таны нэр төрд халдсан эсэх маргаан сэтгүүлч бид шүүхийн танхим руу тэвэрч очоод тэнд л хэдүүлээ үнэн, худлаа хувааж авмаар байна. Тантай нэг танхимд мөр зэрэгцэн суугаа гишүүдэд хандан хэлэхэд мөнгөний хэмжээ ярихаасаа өмнө өөрсдийнхөө хэлэлцэж, хийж буй хуулийнхаа онгорхой цоорхойг олж харах хэрэгтэй биз ээ. Хэн хэндээ гомдох аваас хэдүүлээ шүүхийн танхимд уулзалддаг больё. Түүний дараа торгууль, мөнгөний хэмжээгээ тогтоё?!
Сэтгүүлч З.Боргилмаа
zochin · 2017/04/28
demjiij bn aa heneg ch ugui huniig gutegej amind ni hurtel hurcheed unuudur yu ch boloogui yum shigh maliigaad yvj bga setguulch nertei yumnuud ih bgaa shuu setguulchee hudalch gutgeleg uildegch setguulchee setguulchiin holboo ni umuurun gargaj bsan tuuhuud ih bga shuu arhiviig uhah heregtei yaj jagsaj oriloldoj bj buruutai bsan setguulchee buruugui blgoj uhsen ni hohi amid ni zol gj udaa zunduu bii shuu demjij bn
sonss · 2017/04/27
Setguulch nertei reletchin Mongoloor duuren bolson cagt tednii hariuclagiig shaardah huuli gargah n zov . Garanjav gishuuniig demjij baina
Garamjav · 2017/04/27
Ene Ix xurliin gishuun chine Eregtei xun uu? Busgui xun uu? xelj tus bolooch
ГЭГЭЭ · 2017/04/27
ХҮН БҮХ СЭТГҮҮЛЧ ШҮҮ ДЭЭ... ИЙМД СОСЙАЛ Ч ХАРИУЦЛАГАТАЙ БАЙХ
ГЭГЭЭ · 2017/04/27
ГҮТГЭХИЙН ЭСРЭГ ХАТУУ ЗОГССОН ГАРАМЖАВ ГИШҮҮНД ТАЛАРХАХ ЁСТОЙ БОЛОВ УУ... ХҮНИЙ НИЙГЭМ ҮҮ? АРААТНЫ НИЙГЭМ ХЭВЭЭР БАЙГААД БАЙХ ЮМ УУ?
зочин · 2017/04/27
Энэ авгай одоо юу вэ. Эсгий хийх газар нохой хэрэггүй гэж
ДЭМЭЭ · 2017/04/27
зөв зөв. Хүн гүтгэж-бичих нь -ЭРХ юм уу.....
Зочин · 2017/04/27
Гарамжав гишүүн маш зөв санал гаргасан байна. Гэхдээ хэлэлцүүлгийн явцад торгуулийн хэмжээг арай өөрчлөх байлгүйдээ. Манай хэвлэл мэдээллийнхэнд мэдлэг мэрэгжил дутмаг, ухамсар хүмүүжил ч авах юмгүй, улс орноо гэсэн сэтгэлгүй тийи хүмүүс их байдаг болохоор манай улсыг муухай харагдуулж байгаа. одоо л засах хэрэгтэй,Гарамжав гишүүнд амжилт хүсье?
шаабар · 2017/04/27
Мэдээж аливаа зүйлд хэр хэмжээ хязгаар зааг байх ёстойг хэн ч үгүйсгэхгүй. Өнөөдөр тэр хязгаарыг дэндүү их хальсан үйлдлийг хийж буй хүмүүс бол эрхэм гишүүд, сайд дарга нар гэдэгтэй хэн ч санал нийлэх байх. Өрсдөө ч хүлээн зөвшөөрөөд авилгал, мафийн эсрэг хууль хүртэл гаргах санаатай оролдож байгаа биз дээ. Олон нийтэд ил гаргаж байж ийм хууль гаргахаас аргагүй байдалд түлхсэн хүмүүс бол сэтгүүлчид, хэвлэл мэдээллийнхэн. Тэднийхээ амыг барих нь юуны түрүүнд хийх ажил гэж Гарамжав мэт нь муйхарласан юм болов уу даа. Арай ч биш ээ. Амаа баривч оройтсон байх болно доо.
Зочин · 2017/04/27
бондынхоо өрийг хугацаанд нь хүүтэй нь төлчих дараа нь торгох моргохоо ярь байгалиа нөхөн сэргээ улсаа хайрла тэгвэл таныг гүтгэхгүй
Зочин · 2017/04/27
МАН ГАРУУД ӨӨРСДИЙНХӨӨ БУЛХАЙГ ТОРГУУЛИАР ДАРАХ МАН ГАР ХУУЛИУД ИХ ГАРГАНАА