Сонгуулийн албан ёсны ажиллагаа эхлэхэд хэдхэн хоног дутуу, нэр дэвшигчдийн өнгийг ил далд тодруулсаар байна. Том том тойрог дээр МАН, АН-ын нэр дэвшигчд санал тэнцүүхэн сөргөлдөх бол нэг намаас нэр дэвшигчид нэг нэгнээсээ саналыг хуваах аюул зүй ёсоор нүүрлэж байна. Сонгуулийн хуульд өөрчлөлт орж, нөхцөл байдал энэ тал руу эргэхийг мэдэрсэн хүмүүс олноор бие даан нэр дэвшсэн нь энэ байх.

Тандалт судалгаа, сонгогчдын байр сууриас харж байхад бие даагчдад илүүтэй санал өгөхөөр харагдана. Улс төрийн ууган хүчин нэр дэвшигчдээсээ далд хэлбэрээр босго мөнгө авсан гэх мэдээлэл байгаа бол АН ил цагаан дэнчингийн 100 сая төгрөг авсан байдаг. Энэ бол улс төрийн намууд өнөөх л төрийн албыг наймаалцах схем рүү явж байгааг харуулсан хэрэг. Эртнээс хоёр намд итгэх итгэл алдарсан сонгогчдын орон зайд ахиад л төрийн албыг наймаалцах асуудал дэгдээж байгаа нь тэдэнд итгэх итгэл улам бүр л алдарч байна гэсэн үг. Тийм дээ ч сонгогч олон бие даагчдад итгэл үзүүлэхээр шийдсэн хэрэг. Тэр тусмаа бие даагчид дунд төрийн болон хувийн хэвшилд ажиллаж туршлага суусан эрдэм боловсрол бүхий залуучууд ч олон байгаа харагдана.

Тухайлбал, Тордойн Ганболд бол улс орны нэг амин судас болсон бизнесийн салбарт өөрийгөө сорьж, алдаа оноогоо ялгах болсон залуу хүн. Мөн Ч.Ундрам гээд боловсролын салбарт өндөр амжилт гаргаж, гаднын боловсролыг Монголдоо түүчээлэн ирсэн гээд олон залуусыг дурдаж болно. Энэ мэтээс үүдэн залуусыг, тэр тусмаа намаас бус нэрээ дэвшүүлж байгаа нэр дэвшигчдэд ихээхэн талтай байна. Үүнийг ганцхан жишээ харуулна. “Алтан Дорнод Монгол” компанийн ерөнхий захирал Т.Ганболд УИХ-ын сонгуулийн 19-р тойрог буюу Дархан-Уул аймагт бие даан нэр дэвшихээр гарын үсгээ цуглуулахад ганцхан өдрийн дотор иргэд хэдэн мянгаараа дэмжсэн нь үүнийг харуулна.

Тэр ч бүү хэл Дархан-Уул аймгийн иргэд Тордайн Ганболдыг дэмжихээ илэрхийлсэн үгээ цахим орчинд илгээсээр байна. Тэдний хувьд цахимд жиргэхдээ “Манай тойргийнхон өнгөрөгч 2016 онд Д.Хаянхярваа, Б.Жавхлан, Б.Баттөмөр нарыг сонгосон. Гэтэл байгуулсан гавьяа алга. Хийсэн бүтээсэн зүйл алга. Арай дээр гэж болох Д.Хаянхярваа гишүүнд нам нь мандат ч өгсөнгүй. Одоо Б.Баттөмөр, Б.Жавхлан нар дахин нэрээ дэвшүүлээд ирж байна, тэднийг сонгох аргагүй. Бие даагчдаас сонгоно. Гэхдээ тэднээс Тордойн Ганболдод илүү итгэл үзүүлнэ” хэмээжээ. 

Шуурхай.мн

https://shuurhai.mn/n/10316