Цагаан сарын баяр болоход хоёр долоо хоногийн хугацаа үлдээд байгаа билээ. Энэ жилийн хувьд шинийн 1-3-ний бүх нийтийн амралтын өдөр Бямба, Ням, Даваа гаригт таарч байна. Орон нутгийн оюутнуудад энэ нь хүндрэлтэй байгааг уламжилж их, дээд сургуулийн захиргаанаас дотоод зохицуулалт хийж эхэлжээ.

Тодруулбал, одоогоор Монгол Улсын Их сургууль цагаан сарын өдрүүдийн хичээлийг цахимд шилжүүлэх шийдвэр гаргажээ. Улсын бусад их сургуулиудаас энэ талаар асуухад дотоод зохицуулалт хийх бол ирэх долоо хоногоос оюутнуудын саналд тулгуурлаж шийдвэрлэнэ гэв.

МУИС-ийн захиргаа, 2024 оны хоёрдугаар сарын 02-12-ны өдрийн лекц, семинарын хичээлийг цахимаар (Microsoft Teams) орохоор болжээ. Дээр дурдсан өдрүүдийн лабораторийн зарим хичээлийг 2-4 дүгээр сарын Бямба гаригуудад тодорхой хуваарийн дагуу танхимаар нөхөж орно. Хичээл 2024 оны хоёрдугаар сарын 13-ны өдрөөс танхимаар хэвийн хичээллэнэ. Лабораторийн хичээлийн нөхөх хуваарийг жич оруулна гэсэн юм.

Харин МУБИС, АШУИС, ХААИС, ШУТИС одоогоор цагаан сарын өдрүүдийн хичээлийг цахим шилжүүлэх шийдвэр гаргаагүй байгаа ажээ.