Төрийн соёрхолт дуучин Д.Болдыг залуус андахгүй мэднэ. Тэрбээр цахим хуудасны байнгын хэрэглэгч бөгөөд хийсэн бүтээсэн шинэхэн бүтээлүүдээ найзууддаа дуулгачихдаг нэгэн. Хааяа даа монголчуудыгаа уриалан дуудсан уриалгыг гаргачихдаг. Тэгвэл саяхан "Залуучууд бид сурсан мэргэжил хийж чаддаг зүйлээрээ л эх орондоо амжилт гаргаж өөрийн гал голомт гэр бүлээ жаргалтай амьдруулах нь бидний үүрэг" хэмээн нийтэлжээ.

Харин үүнийг нь уншсан нэгэн цахим найз нь "тэгээд яах вэ" гэж асуусан юм. Дуучин залуу "Яах вэ гэж надаас асуухын оронд хятадаас авдаг хүнс хувцас хэрэглэл чиний бидний өмсдөг хувцас гоёлоо өөрсдөө хийдэг болчих хэрэгтэй. Боломж зөндөө л байна. Аливаа улсын хараат байна гэдэг бидний юу ч хийж бүтээдэггүй залхуугийх" гэж хариуг нь тун чиг шулуухан өгсөн юм шүү.

Д.Ана