Бүх шатлалын эрсдэлтэй үнэлэгдсэн эмнэлгүүдэд МХЕГ-аас шалгалт хийжээ. 

Ажлын байрны эрүүл ахуйн нөхцөл, халдвар хамгааллын шаардлага хангахгүй 7 байгууллага (УНТЭ-ийн гистологийн лаборатори, ЭХЭМҮТ-ийн Хүүхдийн эмнэлгийн хоол үйлдвэрлэл, Төв аймгийн НЭ-ийн уламжлалтын тасаг, Төв аймгийн шүүх эмнэлэг, Хөвсгөл аймгийн Түнэл сумын эмнэлэг, Хөвсгөл аймгийн "Жаргалан" хувийн эмнэлгийн мэс заслын хэсэг, Чингэлтэй дүүргийн "Микроб "ХХК-ны лаборатори/, тусгай зөвшөөрөлгүй, зөвшөөрлийн хугацаа дууссан гурван байгууллага /Ховд аймгийн Ачзаяа, Хөвсгөл аймгийн "Дэлгэрмөрөн", "Хөвсгөл Гурван гал" Өрхийн Эрүүл мэндийн төв/-, үйл ажиллагааг улсын /ахлах/ байцаагчийн актаар түр хугацаагаар хэсэгчлэн болон бүрэн зогсоожээ.

Эмнэлгийн үйл ажиллагааг шалгах 3.1 кодтой хяналтын хуудсаар эмчилгээ, оношилгооны чиглэлээр хамрагдсан 357 эмнэлгийн 9.2 хувь буюу 33 эмнэлэг их, 60.3 хувь буюу 215 эмнэлэг дунд, 30.5 хувь буюу 109 эмнэлэг бага эрсдэлтэй, эрүүл ахуй, халдвар хамгааллын хяналтанд хамрагдсан 292 эмнэлгийн 14.4 хувь буюу 42 эмнэлэг их, 51 хувь буюу 149 эмнэлэг дунд, 34.6 хувь буюу 101 эмнэлэг бага эрсдэлтэй, эм, биобэлдмэлийн чиглэлээр хяналтанд хамрагдсан 150 эмнэлгийн 7 хувь буюу 11 эмнэлэг их, 29 хувь буюу 43 эмнэлэг дунд, 64 хувь буюу 96 эмнэлэг бага эрсдэлтэй үнэлэгдсэн байна.

“Гялс" төвийн лабораторит хэрэглэгдэж байсан нэр бүхий 5 үйлдвэрлэгчийн 22 нэрийн 7.584.655 төгрөгийн, Хөвсгөл аймгийн Цагааннуур сумын Эрүүл мэндийн төвд хүчинтэй хугацаа нь дуусгавар болсон лабораторийн оношлуур, урвалж бодис, эм эмнэлгийн хэрэгслүүд байсныг хураан авчээ.

Иргэдийн эрх зөрчигдөж, улмаар чанарын баталгаагүй эм, эмнэлгийн хэрэгслээр үйлчлүүлэх эрсдэлийг таслан зогсоох арга хэмжээ авч ажилласан хэмээн мэдээлэлдээ дурдав.

Хавдар Судлалын Үндэсний Төвийн лабораторид хийгдэх боломжтой шинжилгээг эмнэлгийн ажилтнууд дур мэдэн тус төвийн байранд байрлах Эмгэг судлалын төвийн 3 дугаар тасгийн эмгэг судлаач эмч нараар хийлгэсний  улмаас оношилгооны алдаа нэг биш удаа гарчээ.  Тодруубал, хөхний хавдар нэрийн дор хөх тайрах хагалгаа хийгдсэн, хийгдэх гэж байсан тохиолдлыг илрүүлэн таслан зогсоож, эмгэг судлалын эмч нарт 1.200.000 төгрөгийн нөхөн төлбөр тогтоосон аж.