МЗХ-ны Мэдээллийн Технологийн Залуучуудын Холбоо, МN-CERT ТББ-аас санаачлан Олон нийтэд мэдээллийн аюулгүй байдлын талаар үнэн зөв, бодитой ойлголт, мэдлэгийг бий болгох, төлөвшүүлэх, түгээн дэлгэрүүлэх зорилгоор цахим аюулгүй байдлын “Харуул занги” тэмцээнийг зохион байгуулахаар болжээ.

Тэмцээн нийт дөрвөн үе шаттай явагдах бөгөөд эхний шат  2015.09.20-нд эхэлнэ. “Харуул занги” тэмцээн нь цахим магадлан шинжилгээ, ёс зүйт довтолгоо болон хамгаалалт гэсэн үндсэн хэсгүүдтэй бүрдэх юм. Энэхүү тэмцээн нь хууль, ёс зүйд нийцүүлэн хакерийн үйл ажиллагааг хүлээн зөвшөөрөх, гүйцэтгүүлэх, олон нийтэд үзүүлэх боломжийг бий болгох, мөн онцгой чухал мэдээлэл, эд хөрөнгийг нууцлах, хамгаалах хэрэгцээ, шаардлагыг ойлгуулахыг эрмэлзэнэ.

Тэмцээний зохион байгуулагчаар MN-CERT ТББ, МЗХ-ны Мэдээллийн Технологийн Залуучуудын Холбоо, Кибер аюулгүй байдлын газар, Үндэсний Дата төв, ШУТИС МХТС зэрэг байгууллагууд ажиллаж байна.