ОХУ-ын Ерөнхийлөгч В.В.Путины айлчлалын үеэр хорих 461-р ангиас хоёр оргодол оргосон, тэдний нэг нь хүн амины хэрэгтэн гэх мэдээлэл өчигдөр тарсан.  Энэ мэдээллийн дагуу ШШГЕГ-аас тодруулахад: Өчигдөр буюу 09 дүгээр сарын 04-ний өдрийн өглөөний 07 цагийн орчимд Цагдан хорих 461 дүгээр ангиас хоригдогч Э.Вантөмөр, Б.Амарбаясгалан нар бүлэглэн оргосон. Тэдгээр нь 22-23 насны, хулгайн болон залилангийн хэргээр цагдан хоригдож байсан сэжигтнүүд юм. Одоогийн байдлаар холбогдох байгууллагуудын эрэн сурвалжлах ажиллагаа явагдаж байна.” гэв.