БНХАУ-д энэ сарын 24-26-ны өдрүүдэд насанд хүрэгчдийн 3х3 сагсан бөмбөгийн ААШТ болж өнгөрлөө. Тус тэмцээнд манай улсаас эрэгтэй эмэгтэй хоёр баг оролцож эрэгтэй баг нь мөнгөн медаль хүртжээ. Харин эмэгтэйчүүд маань хүрэл медалийн төлөө Японы багтай тоглож 21:14 харьцаатай хожигдсон байна. 
Монгол Улсын 3х3 эрэгтэй сагсан бөмбөгчид өмнө нь 2017 онд Улаанбаатар хотноо зохиогдсон ААШТ-ээс алтан медаль, 2018 онд БНХАУ-ын Шенженд болсон ААШТ-ээс мөнгөн медаль хүртэж байсан бол эмэгтэй 3х3 сагсан бөмбөгийн шигшээ баг 2013 оны ААШТ-д мөнгөн медаль хүртэж байсан юм.