Даваа гарагт гарсан С1 телевизийн дэлгэцээр гарсан "Цензургүй яриа" нэвтрүүлгийн дараа Монгол Улсын Ерөнхийлөгч асан Ц.Элбэгдорж энэхүү нэвтрүүлэгт оролцон өөрийн байр суурийг илэрхийлэхэд бэлэн гэдгээ цахим сувгаараа дамжуулан мэдэгдсэн билээ. 

Тэгвэл түүний энэ хүсэлтэд уг нэвтрүүлгийг бэлтгэн хүргэдэг сэтгүүлч Л.Мөнхбаясгалан өөрийн үгээ дайн мөн л цахим орчинд хариу тайлбар хийсэн байна. "Үзэгчид таныг 30 жил "хошгируулсан" гээд дургүй байна шүү. Харин та " 3 сая инээд" шоу нэвтрүүлэгт орвол илүү зохимжтой..." хэмээн сэтгүүлч бүсгүй үг дайжээ. 

Ямартаа ч албан бусаар бие биедээ ийм үг дайсныг харвал тэд телевизийн хойморт хамтдаа мөд суухгүй нь бололтой.

Олон нийтийн зүгээс сэтгүүлч бүсгүйн энэхүү тайлбарыг доромжилж байна хэмээн шүүмжилсэн. Тэгвэл үүнд сэтгүүлч Л.Мөнхбаясгалан дараах тайлбарыг өглөө. Тодруулбал,  “3 сая инээд шоу нэвтрүүлэгт орвол зохимжтой гэснийг доромжлол гэж байгаа хүмүүсийг гайхна. Тэр үнэн саак нэвтрүүлэг, бас Цензургүй ярианаас илүү үзэгчидтэй. Би байнга үзэж баясан хөөрдөг…. Гэтэл зарим хүмүүс доромжлогдвол 3 сая инээд нэвтрүүлэгт ордог гэх гээд байна уу… Яасан бачуухан дотортой улс вэ" хэмээсэн байх юм.