Энэ оны эхний таван сарын байдлаар автомашины ослын улмаас 5000 гаруй иргэн Гэмтэл согог судлалын үндэсний төв (ГССҮТ)-д хэвтэн эмчлүүлжээ.

Ингэхдээ автомашины осолд хүүхэд хамгийн их өртөж байгааг албаныхан тодотголоо. Ихэнх тохиолдолд хүүхэд тархины гэмтэл авдаг. Энэ тохиолдолд дөрвөөс таван удаа мэс засалд ч ордог. Зарим тохиолдолд мэс засалд орсон ч тархи нь хүнд гэмтэл авсан учраас гар, хөл нь саатай болох, хөгжлийн бэрхшээлтэй болсон харамсалтай хэрэг ч бий.

ГССҮТ-ийн эмч нарын өгч байгаа мэдээллээр автомашины осол гарахад нөлөөлдөг гол шалтгаан нь хурд хэтрүүлдэг, хүүхдээ буруу тээвэрлэдэг зэрэг нь амь насыг нь эрсдэлд оруулдаг байна.

Жилд автомашины ослын улмаас 50 гаруй хүүхэд нас бардаг статистик мэдээлэл байна.