Д.Трамп: Бидэнд дайчин аваргууд хэрэгтэй
2019/08/01
Монгол Улсын Ерѳнхийлѳгч Х.Баттулгыг АНУ-ын Ерѳнхийлѳгч Д.Трамп Цагаан ордны үүдэнд угтан авсан юм. Хэвлэлийнхний хувьд хѳтѳлбѳрийн дагуу зѳвхѳн зураг авч, бичлэг хийх байсан ч ерѳнхийлѳгч Д.Трамп нээлттэйгээр харилцаж сэтгэгдлээ илэрхийлсэн.
Тэрээр эхлээд “Монголчууд дайчин сайн бѳхчүүдтэй. Би Японд очихдоо Монголд сумогийн дѳрвѳн их аварга байдаг гэж сонссон юм. Тэдний нэг нь айлчлалын багт цуг ирсэн байна. Бидэнд дайчин аваргууд хэрэгтэй” гэв. Айлчлалд зориулж Монгол Улсын Ерѳнхийлѳгчѳѳс Д.Трамп ерѳнхийлѳгчийн хүүд морь бэлэглэсэн. Энэ талаар “Та Монголоос бэлгэнд авсан морио харсан уу. Нэр ѳгсѳн үү?” гэсэн сэтгүүлчийн асуултанд “Зургийг нь харсан. Сайхан адуу байна лээ. Ялалт гэж нэрлэсэн” гэж хариулаад Цагаан ордны “Зууван” танхим руу оров.
Монгол Улсын Ерөнхийлөгч Х.Баттулга, АНУ-ын Ерөнхийлөгч Доналд Трамп нарын хийсэн албан ёсны хэлэлцээнд Монголын талаас Гадаад харилцааны сайд Д.Цогтбаатар, УИХ-ын гишүүн Д.Оюунхорол, З.Нарантуяа, Монгол Улсаас АНУ-д суугаа Онц бөгөөд Бүрэн эрх Элчин сайд Ё.Отгонбаяр, Монгол Улсын Ерөнхийлөгчийн Тамгын газрын дарга З.Энхболд, Үндэсний аюулгүй байдлын зөвлөлийн Нарийн бичгийн дарга А.Гансүх тэргүүтэй төлөөлөгчид оролцов.Харин АНУ-ын талаас тус улсын дэд Ерөнхийлөгч Майк Пэнс, АНУ-ын Ерөнхийлөгчийн Үндэсний аюулгүй байдлын зөвлөх Ж.Болтон, Үндэсний эдийн засгийн зөвлөлийн дарга Ларри Кудлов, АНУ-ын Батлан хамгаалахын сайд Марк Эспэр, АНУ-ын Олон улсын хөгжлийн агентлагийн захирагч Марк Грийн болон зарим Конгрессийн гишүүн оролцлоо. Хэлэлцээний эхэнд АНУ-ын Ерөнхийлөгч Доналд Трамп “Монголыг гайхалтай тэмцэгч иргэдтэй улс хэмээн боддог” гээд ганцаарчилсан уулзалтаар Монголын ноолууран бүтээгдэхүүний талаар гайхалтай яриа өрнүүлсэн болон холбогдох албаны хүмүүсдээ үүрэг, чиглэл өгч энэ асуудлаар үргэлжлүүлэн ярилцахаар болсноо хэлсэн байна. Харин Монгол Улсын Ерѳнхийлѳгч Х.Баттулга тус улсын Конгресст Тэд Иохо тэргүүтэй 40 гаруй гишүүн өргөн барьсан Гуравдагч хөршийн худалдааны тухай хуулийн тѳслийг бүрэн дэмжиж байгаа гэдгээ, мөн хоёр талын Төрийн тэргүүн нарын зүгээс дэмжлэг үзүүлэх хэрэгтэй гэсэн байр суурийг илэрхийлж, дэмжлэг хүссэн юм. Хэрэв энэ хуулийн тѳсѳл батлагдвал Монголын ноос, ноолууран бүтээгдэхүүн Америкийн зах зээлд татваргүйгээр ирэх боломжтой болно. Монгол Улсын Ерөнхийлөгч Х.Баттулга мөн хэлэлцээний үеэр хоёр улс батлан хамгаалах, соёл, хүмүүнлэгийн салбарт нягт хамтран ажиллаж байгаа хэдий ч худалдааны эргэлт, эдийн засгийн харилцаа муу байгаад онцгойлон анхаарал хандуулах шаардлагатай гэж үзэж буйгаа илэрхийллээ.
Эдийн засгийн харилцааны дээрх асуудлаар хоёр тал үргэлжлүүлэн ярилцахын зэрэгцээ Монгол-АНУ-ын анхны дипломат харилцааны түүхийн талаар яриа өрнүүлж, хэлэлцээний төгсгөлд Монгол Улс, АНУ стратегийн түншлэлийн тухай тунхаглал гаргахаар боллоо. АНУ нь албан бус мэдээллээр 16 улстай стратегийн түншлэлийн хүрээнд хамтардаг бѳгѳѳд дээрх тунхгийг гаргаснаар Монгол Улсын дэлхийд эзлэх рейтинг огцом дээшилнэ гэж ажиглагчид дүгнэж байгаа билээ. Уулзалтын үеэр АНУ-ын Дэд Ерөнхийлөгч Майк Пэнс АНУ нь Монгол Улсын гуравдагч түнш байгаад, мөн Монгол Улсын Зэвсэгт хүчин Афганистан улсад энх тайван тогтоох үйлсэд гар бие оролцож байгаа явдалд онцгойлон талархал илэрхийлсэн юм.
Эх сурвалж: www.polit.mn
Ard Ayush · 2019/08/02
Mongol Ulsiin tvvhend bichigdej vldeh gavyatai uls torch haramsaltai ni odo ved algadaa. bvgdl ashig sonirholiin zorchiltei vndsen huulid hvssneeree ochrchlolt oruulj oorsdiin tald ashigtaigaar ergvvlj aliwaa asuudliig eh oron ard tvmen hoich vedee ashiggvigeer shiidej bn. ta nariin balag Uls eh orniig min vgvi hiihni. Ardchilal garaad hojssonoosoo aldsan zvil ni ih bna. Odoo eh oron gazar nutgaa aldah deeree tulaad bn. Ulsiin neg irgend heden togrogiin or noogdoj bn. ene nogool neg 5 haraatsaai bilvv neg ni Mongol Ulsiin baatar gelvv ta nohod ta nariin gar hol ah dvv hamtlag parakts sadanguudtai holbootoi. 76 urid ni bsn bolon odoo bgaa nohoduud odoo ene balagaa oorsdoo toloh shaardlagatai. Ard tvmen eh ornosoo hangalttai humsalsan. 76g 38 bolgoh heregtei toriin zarlagiig hemnej ard olondoo uls eh oronluugaa chiglesen ajluudiig hiih heregtei. Mongol Ulsiin eronhiilogch H.Battulga ta 108 gishvvneer yah gj bgn. 76 bol hvn amd haritsuulahad hangalttai ih too bgaa. Odoo tanii gart Mongol Ulsiin ireedvi ard tvmen chin bn. Ted tanid itgej taniig songoson mon harj bgaa. Ta tvvhend D.Svhbaatar. H.Choibalsan. YU.Tsedenbal nariin daitai hiisen bolon bvteesen gavyataigaar neree vldeej ard tvmen ireedvi hoich ve vr ach nar chin taniar baharhaasai gj bodoj ajlaa hiij tomoohon oorchlolt, dahin huvisgal hiigeesei gj hvsej bn bid. Tvvhen neree gavyataigaar todoor vldeeh ni tanii gart bn. Bid demjine zorigtoi hii.......