Авлигатай тэмцэх газраас Сүхбаатар дүүргийн Мэргэжлийн хяналтын хэлтсийн дарга асан М.Баасандоржийг албан тушаалаа урвуулан ашигласан авлига байж болзошгүй гэх үндэслэлээр энэ сарын 15-ны өдөр цагдан хорьсон байна. Түүнийг шүүгчийн захирамжаар цагдан хорих 461-р ангид нэг сарын хугацаатай хорьж, шалгахаар болжээ.

Өнгөрсөн тавдугаар сард тэрбээр тус дүүргийн Мэргэжлийн хяналтын хэлтсийн даргаар ажиллаж байхдаа ашиг сонирхлын зөрчлөөс үүдэн сахилгын шийтгэл хүлээж, албан тушаал буурсан байдаг.