Холливудын жүжигчин, Оскарын шагналт Леонардо Ди Каприо манай улсад тэр дундаа Хөвсгөл нуурын орчимд аялал хийхээр болсон талаар гадны хэд хэдэн хэвлэлээр мэдээлжээ. 

Оскарын шагнал хүртсэн адал явдалт "Revenant" киноны хүйтэн жаврыг мэдрэхээр Монгол Улсын нутгаар аялахаар болжээ хэмээн уг мэдээнд дурьдсан байна.

Тэрбээр Монголд ирэх аялалын эрхийг 95,000 доллараар (66,000 фунт стерлинг) худалдан авчээ. Түүнтэй хамт Шведийн судлаач Йохан Эрнст Нилсон аялах бөгөөд тэдний аяллын баг Хөвсгөл нуур дээр 10 хонохоор төлөвлөжээ. Энэ хугацаанд мориор аялан, шонхор шувуутай ан хийж, монгол үндэсний гэрт байрлана гэж бичсэн байна.