Эрүүл мэндийн яамнаас шинэ коронавирусийн халдварын нөхцөл байдлын талаар ээлжит хэвлэлийн хурлаа хийлээ. 

ХӨСҮТ-ийн ерөнхий захирал Д.Нямхүү "2020 оны хоёрдугаар сарын 24-нд ХӨСҮТ-д тусгаарлагдсан тав, Орхон аймагт тусгаарлагдсан нэг тохиолдлын шинжилгээний хариу сөрөг буюу коронавирус илрээгүй. 

2020 оны хоёрдугаар сарын 25-ны өдөр Багануур дүүрэгт хоёр, Төв аймгийн Цээл суманд нэг, Орхон аймагт нэг, Баян-Өлгий аймагт нэг буюу нийт таван сэжигтэй тохиолдол тусгаарлагдаж, тандалт судалгаа, шинжилгээ хийгдэж байна" гэлээ. Түүнчлэн тэрбээр БНСУ-д зорчоод ирсэн иргэдийг ажиглалтад авсан. Тодруулбал,

• ХӨСҮТ-д зургаа,
• Асралт мед эмнэлэгт 37 хүн,
• аймгуудад 10, 
• мөн Улаанбаатар хотод гэрт нь найман иргэнийг тусгаарлан ажиглалтад орууллаа. Нийт 61 хүнийг ажиглалтад оруулсан.

Италийн Милан хотод загварын шоунд оролцоод өнөөдөр өглөө Москва-Улаанбаатар чиглэлийн онгоцоор ирсэн зургаан монгол иргэн, Итали улсын хоёр иргэнийг ХӨСҮТ-д тусгаарлан эмчийн үзлэг, хяналтад оруулаад байгаа" хэмээсэн юм. Асралт мед эмнэлэгт тусгаарлан ажиглалтад оруулсан 37 хүнээс шинжилгээ авч, өдөр бүр эмчийн үзлэг хийж байгаа аж.