Загвар сонирхогчдын хэдийнээ танил болсон "Мисс Монголиа 2010" тэмцээний авьяаслаг мисс, "Манжуурын гоо бүсгүй" тэмцээний гуравдугаар байрын шагналт, Азийн топ модель, Солонгосын "Керасис"-ын нэрэмжит шилдэг загвар өмсөгч шагналын эзэн, "Хятад улсад болсон Олон улсын тэмцээнээс Азийн топ модель болсон Т.Туяамааг уншигч та бүхэн андахгүй танина.

Тэрбээр саяхан болж өнгөрсөн шиний 15-ний өдөр буюу "Бурхан багшийн их дүйцсэн" өдөр гандан орж буян хураажээ. Гэхдээ Азийн топ модель бүсгүй зул өргөх ёсыг сайн мэддэггүй бололтой.

Учир нь бадраасан зулыг байрнаас нь хөдөлгөх, жаргахаас нь өмнө унтрааж болохгүй гэх шашны дэг жаягийг мэдэхгүйгээсээ олон хүний дургүйцлийг хүргэжээ.

Түүний авахуулсан дээрх зургийг харсан цахим найзууд нь "өргөсөн зулыг уул нь байрнаас нь хөдөлгөж болдоггүй" гэж өөрсдийн санал бодлоо илэрхийлэхэд загвар өмсөгч бүсгүй эл зургаа цахим хуудаснаасаа  устгасан юм.

Мөн зулын галд өөрийн болон өрөөлийн амьсгааг хатуу цээрлэдэг гэдгийг мэдэж аваасай билээ.

Д.Ана