ИНЕГ нь улсын хөрөнгөөр бие биенээ шагнаад дуусгаж байгаа аж. Төсвийн тухай хуульд батлагдсан төсвийг зориулалтын дагуу зарцуулахыг хатуу журамласан байгаа.

ИНЕГ-ын дүрмэнд ч ажилтны гүйцэтгэсэн ажлын чанар, үр дүн, байгууллагад оруулсан хувь нэмрийг нь  үнэлэн шагнаж урамшуулна гэж заасан ч дарга нар нь уландаа гишгэж. Тус газрын харьяа Сэргээн засал, сувилал цогцолборын ажилчдад үр дүнгийн шагнал олгохдоо 2013 оны сүүлийн хагасд ажилд орсон ажилтнуудаа хүртэл хамруулан “бөөндөж” шагнаж. Даргаасаа эхлээд цэвэрлэгч хүртэл бүгд шагнагдсан гэнэ. Зөвхөн энэ урамшуулалд 18.3 сая төгрөгийг цацаад хаяжээ. Ажиллаад нэг жил ч болоогүй хүмүүс шагнуулахаар хувь нэмэр байгууллагадаа оруулдаг гэж хэн ч хэлэхгүй. Харин ИНЕГ-ын дарга нар өөрөөр үздэг аж.  ИНЕГ-д хагас жилийн дотор “үнэт хувь нэмэр” оруулагсадыг дурдвал :

  Нэр                                 Албан тушаал        Ажилд орсон он сар       Урамшуулал
-Батцэцэг                           Захирал                2013-06 сар                      2.500.000
-Моломжамц                    Мэргэжилтэн          2013-07 сар                      2.500.000.
-Батгэрэл                         Ахлах ня-бо            2013-07 сар                      1.000.000
-Гэрэлмаа                  Захиргаа, хүний нөөц   2013-09 сар                     2.000.000
-Батаа                           ня-бо                           2013-11 сар                    2.000.000
-Лхагвадулам              Ахлах тогооч               2013-08 сар                    2.500.000
-Наранхүү                      тогооч                         2013-07 сар                   1.000.000
-Төрмөнх                         зөөгч                         2013-09 сар                    1.200.000
-Золзаяа                          з/б                             2013-08 сар                   1.200.000
-Оюунсүрэн                үйлчлэгч                        2013-10 сар                    1.200.000
-Сарантуяа                     сувилагч                   2013-10 сар                    1.200.000 төгрөг  гээд бүхэл бүтэн байгууллагаараа бие биенээ төсвийн 18.3 сая төгрөгөөр шагнажээ.  Дээрхи хүмүүсээр төсвийн хөрөнгийг төлүүлсэн эсэхээ ИНЕГ-ын дарга Т.Лхагвасүрэн олон нийтэд  мэдээлэх биз. Манай сайт ч эргэн сурвалжилна.